29.05.2020
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «hörriyet» géziti, «türkiye téz sürette normallishidu» serlewhilik xewiride, wuxen wirusi (kowid – 19) gha kürishini ghelibilik dawamlashturghan türkiyede 1 – iyundin bashlap sheherlerara sayahet cheklimisining bikar qilinidighanliqini, dölet ishchi – xizmetchilirining xizmet orunlirigha qaytidighanliqini, yesliler we kündüzlük sanatoriyelerning échilidighanliqini, yol boyliridiki aram élish orunlirining mulazimetke kirishidighanliqini, tenterbiye orunlirining kéche saet 24 kiche mulazimet qilalaydighanliqini, su üzüsh orunliri, milliy baghchilarning békitilgen belgilimiler dairiside paaliyet bashliyalaydighanliqini yazdi.
«xabertürk» géziti, «seyle paraxoti sayahetchiliki qaytidin bashlinidu» serlewhilik xewiride, kowid – 19 yuqumi sewebidin cheklime qoyulghan soda sayahiti seperlirining iyun éyida qaytidin paaliyet bashlaydighanliqini yazdi.
xewerde, yuqumgha qarshi küreshning nöwettiki basquchigha isharet qilghan qatnash we ul – eslihe ishliri ministiri adil qaraismailoghluning «kowid – 19 yuqumigha qarshi körünerlik basquchlar bésip ötülgen türkiyede, nurghun sahelerdikige oxshash soda sayahiti we yaghach kémilerning paaliyetlirimu 1 – iyunda yéngidin bashlinidu» dégenliki qeyt qilindi.
«sabah» géziti, «türkiyede putbol musabiqiliri 12 – iyunda bashlinidu» serlewhilik xewiride, kowid – 19 yuqumi sewebidin 26 – heptilik musabiqiliridin kéyin toxtitip qoyulghan aylanma putbul musabiqiliride hayajanning qaytidin bashlinidighanliqini؛ türkiye putbol fédératsiyesining tünügün chaqirilghan yighinida, 12 – iyunda musabiqilerni toxtap qalghan yéridin dawamlashturushning qarar qilinghanliqini yazdi.
xewerde körsitilishiche, türkiye derijidin tashqiri aylanmisi, 12 – iyunda 27 – heptilik musabiqilirini bashlaydiken, yene bir tereptin, yighinda, 7 komandining «derije töwenlitish bikar qilinsun» dégen teklipi ret qilinghan.
«yéngi shepeq» géziti, «matéw bryza: tramp erdoghanni ülge qilishi kérek (dédi) serlewhilik xewiride, amérika qoshma ishtatlirining sabiq yawropa – yawro-asiya munasiwetlirige mesul tashqi ishlar ministiri yardemchisi mattéw bryzaning, türkiyening wuxen wirusi (kowid – 19) gha qarshi ghelibilik küresh qilghanliqini bildürüp, amérika pirézidénti donald trampning jumhur reis rejep tayyip erdoghanni ülge qilishi kéreklikini éytqanliqini oqurmenliri bilen ortaqlashti.
gézitning xewiride körsitilishiche, türkiyening yuqumgha qarshi qilish bilen birge iqtisadinimu weyran qilghuch tesirlerdin saqlap qalghanliqigha isharet qilghan bryza, amérika we nurghun yawropa ittipaqi dölitining buni qilishqa muweppeq bolalmighanliqini qeyt qilghan.
«star» géziti, «türk qoralliq uchquchisiz hawa apparatliri éléktronluq urushqa qarshi intayin küchlük» serlewhilik xewiride, yéqinqi mezgillerde nam chiqirishqa bashlighan türk qoralliq uchquchisiz hawa apparatlirining éléktronluq urushqa qarshi iqtidarining hemmini heyran qalduruwatqanliqini yazdi.
xewerde, ichki bixeterlikni kapaletke ige qilish heriketliri bilen birlikte, süriye, shimaliy iraq, aqdéngiz (ottura déngiz), ege déngizi we liwiyege oxshash nahayiti keng rayonda paaliyet élip bériwatqan türk qoralliq uchquchisiz hawa apparatlirining, éléktronluq urush jehettiki iqtidar we imkaniyetliri bilen, sahede urush özgertküchi bir amil süpitide gewdiliniwatqanliqi eskertildi.
