18.02.2020

türkiye awazi radiyosi: «hörriyet géziti», türkiye tashqi ishlar ministiri mewlüt chawushoghluning tünügün (17-féwral) rusiyede chiqidighan «izwéstiya géziti» ning ziyaritini qobul qilghanda, türkiye bilen rusiyening idlib mesiliside axirqi kélishim üchün hemkarlishishni dawamlashturuwatqanliqini eskertip: «süriye mesilisining türkiye bilen rusiye otturisidiki hemkarliqlargha tesir qilishigha ruxset qilmasliqimiz lazim» dégenlikini xewer qildi.

«sabah géziti», 2019-yili atatürk, karakaya we keban hidro éléktir istansisilirida ishlepchiqirilghan énérgiye miqdarida, 2018-yiligha sélishturulghanda %106 éshish körülgenlikini élan qildi.

xewerde, yuqiridiki éléktir istansisilirida 2018-yili 11 milyard 49 milyon kilowat saet bolghan énérgiye ishlepchiqirishi, 2019-yili %106 éship 22 milyard 790 milyon kilowat saetke chiqqanliqi qeyt qilindi.

«star géziti», italiyelik muzéyishunas piroféssor luka molinari (Luca Molinari) ning türkiye layiheligen aptomobilning zamaniwi we nahayiti yaxshi shekilge ige ikenlikini eskertip: «aptomobil muhitqa ziyan bermeydu» dégenlikini xewer qildi.

«yéngi shepeq géziti», türkiye istatistika idarisining tünügün (17-féwral) 2019-yilliq «hayat xushalliqi tetqiqat netijisi» ni élan qilghanliqini xewer qildi.

buninggha asaslanghanda, 2019-yili türkiyede xushal ikenlikini éytqan 18 we uningdin yuqiri yashtikilerning nisbiti %52.4 bolghan bolsa, özining kélechekliridin ümidwar bolghanlarning nisbiti %70 bolghan.

«weten géziti», gérmaniyede yashaydighan bio téxnologiye saheside xizmet qilidighan türk alim doktor eli ertürk we uning tetqiqat etritining, ademning közi we börikining üch ölchemlik xeritisini chiqirishta muweppeqiyet qazanghanliqini xewer qildi.

xewerde, bilim dunyasida eli ertürkning tetqiqatliri, rak késelliklirini dawalashta, adem beden ezalirini yétishtürüshte, adem méngisining xeritisini sizishta dewr bölgüch tereqqiyat, dep qariliwatqanliqi qeyt qilindi.