13.11.2019

türkiye awazi radiyosi: «star géziti», tünügün (12-noyabir) amérika paytexti washingtongha qarap yolgha chiqishtin burun enqere esenbogha ayrodurumida bayanat élan qilghan türkiye jumhur reisi rejep tayyip erdoghanning, yawropa ittipaqi tashqi munasiwetler kéngishining türkiyening sherqiy aqdéngizdiki burghilash paaliyetlirige qarshi yolgha qoyushni pilan qilghan cheklesh tedbirliri üchün qobul qilghan ramka höjjitige naraziliq bildürgenlikini xewer qildi.

xewerde, rejep tayyip erdoghanning: «qibristiki özgirishler toghrisida bizge heywe qilishqa urunmanglar. muzakireler ushtumtut axirlishishi mumkin» dégenliki qeyt qilindi.

«yéngi shepeq géziti», türkiyening sherqiy jenubiy anadolu layihesi-gap (GAP) dairiside yasalghan ilisu su ambiri hidro éléktir istansisining üch aydin kéyin éléktir tarqitishqa bashlaydighanliqini xewer qildi.

xewerde, ilisu ambirigha su qachilash ishlirining pilanliq halda dawamlishiwatqanliqi bildürüldi.

xewerde yene, 4 milyard 120 milyon kilowat saet éléktir ishlepchiqirish iqtidarigha ige su ambirining, dölet iqtisadigha her yili 2 milyard lira kirim qoshidighanliqi eskertildi.

«sabah géziti», türkiye hawa yolliri shirkitining öktebir (2019) ayliq yoluchi sanining %1.9 éship 6.6 milyongha yetkenlikini xewer qildi.

«xeber türk géziti», türkiye qurulush matériyalliri sanaetchiler jemiyitining 2019-yili séntebir ayliq qurulush matériyalliri sanaiti tashqi soda indéksini élan qilghanliqini xewer qildi.

xewerde körsitilishiche, qurulush matériyalliri éksporti 2019-yili séntebir éyida ötken yilining oxshash mezgilige sélishturulghanda %4.1 éship 1.89 milyard dollargha yetken. éksport hejim jehettin %9.6 éship 4.75 milyon tonnigha yetken.

«hörriyet géziti», yunus emre inistitutining muweppeqiyetke érishken türkiye filimlirini qoyush paaliyitige sahibxanliq qilidighan «türk filimliri heptisi» layihesini dawamlashturuwatqanliqini xewer qildi.

xewerde, medeniyet we sayahet ishliri ministirliqi kino-filim idarisining qollishi astida dawamlashturuluwatqan layihede, yüzlerche filimning oxshimighan döletlerdin kelgen kino-filim heweskarliri bilen uchrishidighanliqi bildürüldi.

xewerde qeyt qilinishiche, bügüngiche 20 dölette ötküzülgen paaliyet dairiside, kan we antalya altun portokal qatarliq xelqaraliq filim féstiwallirida, nami dunyagha tonushluq bolghan nuri bilge jeylanning filimliri 22-24-noyabir rimda, 2-8-dékabir wiyénnada tamashibinlar bilen yüz körüshidiken.