23.10.2019

türkiye awazi radiyosi: «xeber türk géziti», amérikadin kéyin, rusiye bilenmu kélishim tüzülgenlikini xewer qildi.

gézitning xewiride, türkiye jumhur reisi rejep tayyip erdoghan bilen rusiye pirézidénti wladimir putinning sochi shehiridiki körüshüshide kélishim hasil qilinghanliqi bildürü ldi.

xewerde, 150 saet ichide bölgünchi térrorluq teshkilati y p g|p k k ezalirining qoral-yaraghliri bilen türkiye chégrasidin 30 kilométir sirtqa chiqirilidighanliqi we rayonda türkiye-rusiye qisimlirining birlikte charlashlirining bashlinidighanliqi qeyt qilindi.

«sabah géziti», türkiye dölet mudapie ministirliqi süriyening shimalida tinchliq buliqi herikitining sirtida yéngi heriketke kérek qalmighanliqini élan qilghanliqini xewer qildi.

dölet mudapie ministirliqining bayanatida, 120 saetlik muddetning axirida, amérika teripidin p k k|y p g ning rayondin chékinishining axirlashqanliqining bildürülgenliki qeyt qilindi.

«hörriyet géziti», dunya sehiye teshkilatining bayanatchisi kristiyan lindméyir (Christian Lindmeier) süriyening sherqiy shimalida bölgünchi térrorluq teshkilati y p g|p k k terepdarliri we bezi gherb taratqulirining türkiye armiyesini eyiblesh üchün tarqatqan aq fosforda köyüp ketken kishiler fotograflirining, buningdin burun süriyediki oxshimighan toqunush rayonliridin kelgen fotograflar ikenlikini éytqanliqini xewer qildi.

xewerde, kristiyan lindméyirning térrorluq teshkilatining yalghanchiliqlirini we rayonning weziyitini yéqindin közitip kéliwatqanliqlirini eskertkenliki qeyt qilindi.

«star géziti», engliyede chiqidighan «The Times» gézitining yazghuchisi sara tor (Sara Tor) térrorluq teshkilati p k k|y p g|s d g ning, türkiyediki bölgünchi térrorluq teshkilati p k k ning gumashtisi ikenlikini, meqsitige yétish üchün térrorluq qiliwatqanliqini yazghanliqini xewer qildi.

yazghuchi sara tor p k k ning türklerge we kürt (kord) lerge salghan ziyanlirini körgenlikini tekitligen.