22.10.2019
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi xewiri: «‹star› géziti», «jumhur reis erdoghan 120 saet kélishim toghruluq muhim bayanat berdi» serlewhilik xewiride, töwendiki melumatlarni oqurmenlirining diqqitige sundi:
jumhur reis rejep tayyip erdoghan tünügün «‹ TRT World › munbiri» yighinida, «<tinchliq buliqi> herbiy herikiti» toghruluq toxtalghanda mundaq dédi: «kélishimning mudditining 120 saetlik bölümining köp qismi axirlashti. ete sochida ziyarette bolimiz. ziyaritimiz jeryanida bu heqte pirézidént putin muzakire élip barimiz, andin bu heqte tégishlik qedemlerni tashlaymiz.»
«‹sabah› géziti», «tashqi ishlar ministiri mewlüt chawushoghlu amérika qoshma ishtatliri bilen türkiye otturisida imzalanghan <tinchliq buliqi> herbiy herikitini 120 saetlik toxtitish kélishimining mudditining toshushigha 35 saet qalghanliqini éytti» serlewhilik xewiride, töwendiki melumatlarni oqurmenliri bilen ortaqlashti:
tashqi ishlar ministiri mewlüt chawushoghlu tünügün istanbulda chaqirilghan «<World › munbiri» yighinining échilishida, «<tinchliq buliqi> herbiy herikiti» toxtalghanda, amérika qoshma ishtatliri bilen türkiye otturisida imzalanghan <tinchliq buliqi> herbiy herikitini 120 saetlik toxtitish kélishimining mudditining toshushigha 35 saet qaldi, bu jeryanda y p g / p k k chékinip chiqip ketmisie herbiy heriketning qaytidin bashlinidighanliqini éytti.
«‹xewer türk› géziti», «dölet mudapie ministiri hulusi aqar <tinchliq buliqi> herbiy herikiti toghruluq agahlandurushta boldi» serlewhilik xewiride, töwendiki uchurlarni oqurmenlirining diqqitige sundi:
dölet mudapie ministiri hulusi aqar tünügün istanbulda chaqirilghan «<World › munbiri» yighinida, amérika qoshma ishtatliri bilen türkiye otturisida 17 – öktebir küni süriyening shimaliy qismida türkiye armiyesi teripidin élip bérilghan «<tinchliq buliqi> herbiy herikiti» ni waqtinche toxtitish toghruluq kélishim hasil qilinghanliqini, kélishimge riaye qilinghan teqdirde, «<tinchliq buliqi> herbiy herikiti» ning tamamlinidighanliqini tekitlep mundaq dédi: «éghir tipliq qoral – yaraghlarning yéghiwélinishi, térrorluq teshkilatining barliq panah jaylirining yoq qilinishi we kélishimning barliq shertliri orundilishidin kéyin, y p g / p k belgilengen muddet ichide chékinip chiqip ketse, <tinchliq buliqi> herbiy herikiti tamamlinidu.»
«‹yéngi shepeq› géziti», «oktay texminen 2 milyon süriyelikning öz yurtigha qaytishini ishqa ashurushni pilanlawatqanliqlirini éytti» serlewhilik xewiride, töwendiki bayanlargha orun ajratti:
muawin jumhur reis fuat oktay tünügün yildiz téxnika uniwérsitétining yéngi yilliq oqush bashlash murasimida qilghan sözide mundaq dédi: «süriyening shimaliy qismidiki bixeter rayongha texminen 2 milyon süriyelik köchmenni orunlashturushni pilanlawatimiz. <firat qalqini> herbiy herikiti we <zeytun shéxi> herbiy herikiti jeryanida rayongha 365 ming köchmen orunlashturulghanidi. <tinchliq buliqi> herbiy herikiti arqiliqmu <firat deryasi> ning sherqiy qismini bixeter rayongha aylandurush iraimiz qetiydur. shuni alahide tekitlep ötimenki, <tinchliq buliqi> herbiy herikiti arqiliq telebyad we resuleyn sheher merkezliri bilen qoshulup 65 olturaq rayoni térrorchilardin tazilinip, kontirol astigha élindi.»
«‹höriyet› géziti», «antalyagha kelgen sayahetchiler sanida rékort yaritildi» serlewhilik xewiride, töwendiki melumatlarni oqurmenlirining diqqitige sundi:
«sayahet paytexti antalya» kütüwalghan sayahetchilerning sani sheher tarixida tunji qétim 14 milyondin éship kétishi, bu muweppeqiyet sayahet shirketlirini cheksiz shad – xuramliqqa chömdürdi.
türkiye méhmansaraylar fédératsiyesining bashliqi osman ayiq, bu heqte élan qilghan bayanatida, mundaq dédi: «antalyaning sayahet ishlirida kütülüwatqan muweppeqiyet qolgha keltürüldi, buningdin kéyinki mezgildimu bu muweppeqiyetler izchil dawamlishidu, jümlidin yil axirigha barghanda antalyagha kelgen sayahetchiler sanini 16 milyongha yetküzüshni pilanlawatimiz.»
