11.10.2019

türkiye awazi radiyosi: weten géziti, «erdoghan tinchliq buliqi herikiti heqqide bayanat élan qildi» serlewhilik xewiride munularni yazdi:

jumhur reis rejep tayyip erdoghan tünügün (10-öktebir) partiyesining merkiziy binasida, kéngeytilgen wilayetlik shöbe bashliqiliri yighinida nutuq sözlidi. firat deryasining sherqide élip bériliwatqan tinchliq buliqi herikiti üstide toxtilip, «bölgünchi térrorluq teshkilati p k k / y p g-p y d ning süriyediki ishghaliyitini körmigenler, hazir bizning süriyening birliki we barawerliki üchün tashlighan qedemlirimizge söz qilmaqchi bolushmaqta. siler bir chette turup turunglar, biz yolimizni dawamlashturiwérimiz» dédi.

yéngi shepeq géziti, «hulusiy aqar heriket üstide toxtaldi: <eskerlirimizning keypiyati intayin üstün>» serlewhilik xewiride munularni qeyt qildi:

dölet mudapie ministiri hulusi aqar tünügün tinchliq buliqi herbiy herikiti heqqide bayanat élan qilip, «eskerlirimiz qehrimanliq dastani yazghan halda wezipisini ada qilishni dawamlashturmaqta. eskerlirimizning keypiyati intayin üstün» dédi.

sitar géziti, «térrorchilar mektep we doxturxanilargha mökünüp hujum qilishmaqta» serlewhilik xewiride munularni oqurmenlirining diqqitige sundi:

dölet mudapie ministirliqi teripidin élan qilinghan bayanatta, firatning sherqini térrorluq karidorigha aylandurushqa urunuwatqan p k k/ y p d – y p g térrorchiliri ammiwi bina, mektep we doxturxanilargha yoshurunup, türkiyening olturaq rayonlirigha rakétamiyot we rakéta bomba bilen hujum qiliwatqanliqi hemde bu hujumlarda bigunah puqralarning yaridar bolghanliqi bildürüldi.

sabah géziti, «türkiye hawa yolliri shirkiti séntebir éyida %82.9 lik tolush nisbitige yetti» serlewhilik xewiride munu uchurlargha orun ajratti:

türkiye hawa yolliri shirkiti bu yil séntebir éyida, 6 milyon 700 ming yoluchi toshush arqiliq orunduqlarning tolush nisbitini %82.9 ke yetküzdi. séntebir éyida chet ellerge uchidighan ayroplanlardiki tolush nisbiti %82.5 ke we dölet ichi liniyelerdiki tolush nisbiti %86.1 ke yetti.

hörriyet géziti, «zeytun éksport omumiy sommisi 142 milyon dollargha yetti» serlewhilik xewiride munu uchurlarni oqurmenlirining diqqitige sundi:

türkiyening 2018 – yilidin 2019 - yilghiche bolghan jeryanda, dastirxangha tizilidighan zeytun éksport omumiy sommisi aldinqi yilgha sélishturghanda %11 éship, 142 milyon dollargha yetti. zeytunning yérimidin köpireki yawropa ittipaqi döletlirige sétildi.