31.07.2019

yéngi shepeq géziti, «chawushoghlu: <S-400 ler natogha nisbeten héchqandaq mesile yaratmaydu> dédi» serlewhilik xewiride munularni yazdi:

tashqi ishlar ministiri mewlüt chawushoghlu rusiyedin «S-400» hawa mudapie sistémisi sétiwélishi üstide toxtilip, «400 ler natogha nisbeten héchqandaq mesile yaratmaydu. türkiye nurghun saheler boyiche natoning paaliyetlirige töhpe qoshmaqta» dédi we bu meslining héchqaysi nato yighinlirida küntertipke élip kélinmigenlikini tilgha élip, «S-400» hawa mudapie sistémisi sétiwélishning türkiye – nato munasiwetliridin bekrek, türkiye – amérika munaiswetlirige baghlinishliq bir mesile ikenlikini tekitlidi.

xewer türk géziti, «berat albayraq: <türkiyege ishengen mebleghchiler menpeet aldi> dédi» serlewhilik xewiride, munularni eskertti:

xezine we maliye ishliri ministiri berat albayraq türkiyening xamchot we bashqa barliq iqtisadiy nishanliri nuqtisidin yilning ikkinchi yérimida téximu musbet halgha kélidighanliqini bildürdi.  döletke may éyidin buyan 10 milyard dollardin köprek chet el meblighi kirgenlikini tilgha élip: «türkiyege ishengen mebleghchiler menpeet aldi» dédi.

sitar géziti, «malayshiya dölet mudapie sanaitini tereqqiy qildurush üchün türkiye bilen hemkarliq ornitishni arzu qilidu» serlewhilik xewiride munulargha orun ajratti: 

malayshiya dölet mudapie ministiri muhemmed sabu, pénan ölkiside bir toluq ottura mektepte ötküzülgen murasimgha qatnashqandin kéyin, muxbirlargha bergen bayanatida, türkiyening mudapie sanaiti sahesidiki ilgirileshlirini medhiyelidi. malayshiya dölet mudapie sanaitini tereqqiy qildurush üchün türkiye bilen hemkarliq ornitishni intayin arzu qilidighanliqini éytti.

hörriyet géziti, «salametlik muhiti eng yaxshi sheherler mueyyenleshti, türkiyedin 5 sheher tizimlikte orun aldi» serlewhilik xewiride munu uchurlarni oqurmenlirining diqqitige sundi:

élip barghan tetqiqatliri bilen alahide hörmetke sazawer bolghan melumat toplash mezkizi «Numbeo» salametlik muhiti eng yaxshi sheherlerni élan qildi. türkiyening 5 shehiri tizimlikke kirdi. tizimlikte bursa, antalya, izmir, istanbul we enqere orun aldi.  tizimlik turghuzushta sheherlerning yéshilliqi, tenterbiye muessiselirining süpiti, hawa we su bulghinish nisbiti, otturiche ömür körüsh nisbiti, semirip kétish nisbiti, xizmet we xususiy turmush saheliri qatarliq 10 xil oxshash bolmighan ölchemler inchike tekshürüldi.

weten géziti, «ministir turxan: <xitaydin londonghiche léniye tutashturuldi> dédi» serlerhilik xewiride munularni yazdi:

qatnash we ul – eslihe ishliri ministiri jahit turxan türkiyening jebilitariq boghuzidin atlantik okyangha, suweysh qanilidin ereb yérim arili we hindi okyangha, türkiye bughuzlirining qara déngiz we aqdéngiz ulinishliri arqiliq yawro- asiya we yiraq sherqqe tutishidighan bir qatnash léniseyining del otturisida ikenlikini éytti. türkiyening tiransport jehette tebiiy bir port bolush salahiyitige ige ikenlikini tekitlep, xitayni yawropagha tutashturidighan tömür yol léniyesining eng muhim nuqtisi bolghan baku – tiblis – kars tömür yoli léniyesi layihesini püttürüp bolghanliqini eskertti we buning sayisida döletning istiratégiyelik ehmiyitini téximu yuqiri kötürgenlikini bildürdi.