19.07.2019

weten géziti, «türkiye amalsiz qalmighuche chet ellerde yasalghan üskünilerni almaydu» serlewhilik xewiride munularni yazdi:

dölet mudapie sanaiti idarisi bashliqi ismail demir, «F-35» urush ayropilani mesiliside körülgen ehwallar üstide toxtilip, türkiyening tüzgen kélishim we qoyghan imzaning arqisida mehkem turidighanliqini éytti. ismail demir türkiye emdilikte intayin mejbur qalmighan ehwalda sirttin héch nerse almaydu. özining milliy we yerlik sanaitini qollap - quwwetleydu» dédi.

sitar géziti, «péskow <türk ustilar intayin lezzetlik qatlima pishuridu> dédi» serlewhilik xewiride munulargha orun ajratti:

rusiye pirézidéntliq sariyi bayanatchisi dimitiriy péskow «S-400» bashqurulidighan bomba hawa mudapie sistémilirini yollighandin kéyin, dunya boyiche eng uzun qatlima yasighan bursaliq qatlima ustisi hesen ajarning rusiye pirézidénti wiladimir putin üchün pishurghan qatlimisini yollaydighanliqini anglap, tolimu memnun bolghanliqini éytti.  dimitiriy péskow «türk ustilar intayin lezzetlik qatlima pishuridu» dédi, biraq qatlima yollaydighan waqitqa dair bir nerse bilmeydighanliqini tekitlidi.

sabah géziti, «dunya boyiche eng chong qoyash énérgiye istansisigha ige su tazilash merkizi layihesi tamamlandi» serlewhilik xewiride munu uchurlarni ortaqlashti:

yalowada türkiyening tunji we dunya boyiche eng chong qoyash énérgiye istansisigha ige su tazilash merkizi layihesi tamamlandi. jemiy 3360 qoyash énrgiye taxtisi bolghan su tazilash istansisi özining éléktir éhtiyajinimu özi qamdaydu.

hörriyet géziti, «milliy uchquchisiz ayropilan Bayraktar TB2 kuweyt chölliride, rékort yaratti» serlewhilik xewiride munu uchurlarni oqurmenliri bilen ortaqlashti:

 milliy uchquchisiz ayropilan Bayraktar TB2 kuweyt chölliride qatnashqan uchushta özige tewe bolghan eng uzun uchush rékortini buzup tashlidi. milliy uchquchisiz ayropilan Bayraktar TB2 kuweytte qattiq issiq we qum borinigha oxshash murekkep muhitta saq 27 saet 3 minutqiche üzlüksiz uchup, muhim utuqni qolgha keltürdi.

yéngi shepeq géziti, «yadro bérikme réaktorini layihilep chiqqan yash türk fizika mutexessisi chérnobélde» serlewhilik xewiride munularni oqurmenlirining diqqitige sundi:

özi layihelep chiqqan yadro bérikme réaktorini ghelibilik ishqa kirishtürgen 18 yashliq atesh fettahoghlu enqere uniwérsitéti teripidin ötküzülgen paaliyet dairiside, 24 neper pen - tetqiqat alimliri bilen birlikte türkiyening eng yash atom fizika mutexessisi bolush süpiti bilen jérnobilni ziyaret qildi. u layihelep chiqqan réaktor mutexessislerning testiqidin ötti. atesh fettahoghlu ukraina téléwiziye qanalliriningmu alahide qiziqishini qozghidi.