28.06.2019

weten géziti «erdoghan: <zulumgha uchrighuchilargha ige chiqishni dawamlashturimiz> dédi» serlewhilik xewiride munularni yazdi:

jumhur reis rejep tayyip erdoghangha yaponiyede mukogawa ayallar uniwérsitétide pexriy doktorluq unwani bérildi. erdoghan sözligen nutuqida, «sharait meyli qandaq bolushidin qetiy nezer, türkiye bolush süpitimiz bilen irqiy kimlikige we étiqadigha qarap olturmastin zulumgha uchrighuchilargha ige chiqishni dawamlashturimiz. insaniyetning wijdani bolimiz» dédi.

sabah géziti, «dölet mudapie ministiri xulusi aqardin <F-35> heqqide muhim agahlandurush» serlewhilik xewiride munularni oqurmenlerning diqqitige sundi:

dölet mudapie ministiri xulusi aqar amérikining süriye alahide wekili jamés jéfréy bilen ötküzgen uchrishishidin, kéyin amérika – türkiye otturisidiki «F-35» urush ayropilani yirikchiliki heqqide toxtilip, «özara hörmet we dostluqqa tayanghan bir munasiwetni kütmektimiz. bu jehette ijabiy yolda ilgirilesh üchün xizmet qilishni dawamlashturimiz we munasip bir hel qilish charisi tépishimizni ümit qilimiz.  «F-35» urush ayropilanidin türkiyeni mehrum qaldurushqa urunush ö nöwitide yene, shimaliy atlantik ehdi teshkilati (nato) ningmu mudapie we zerbidar küchini éghir derijide töwenlitidu» dédi.

yéngi shepeq géziti, amérika – xitay soda urushi türkiyening gilas éksport sodisigha yarap qilishi mumkin» serlewhilik xeweride munularni qeyt qildi:

xitaygha gilas éksport sodimizning aldidiki eng chong tosalghulardin birsi, gilasning 16 kün soghuq hawada saqlinishi kéreklikidin ibaret éghir sherttur. bu shert emeldin qaldurulsa, türkiyening yéraq sherq döletlirige gilas éksport qilishi zor derijide yuqiri örleydu. uludagh méwe, kök – tat éksportchilar birliki muawin bashliqi senih yazgan bu shertning emeldin qaldurulishi bilen xitaygha qiliniwatqan gilas éksport nisbitiningmu körünerlik derijide örlishi mumkinlikini éytti. 

sitar géziti «istanbul ayrodorumi mushu yilning eng ilghar ayrodorumi bolushqa namzat» serlewhilik xewiride munu uchurlargha orun ajratti:

istanbul ayrdorumi «International Airport Review» zhurnili teripidin «Readers Choice 2019» mukapatliri üchün tallanghan dunya boyiche eng ilghar 10 ayrodorumning arisidin orun aldi. bahalash we awaz béliti tashlash paaliyiti töwendiki tor adrisida dawamlashmaqta:

https://www.internationalairportreview.com/readers-choice-award-airport-of-the-year-2019/

hörriyet géziti, «2019 – yilining eng yaxshi ristoranliri mueyyenleshti» serlewhilik xewiride munu uchurlargha urun ajratti:

«The World’s 50 Best Restaurant» (dunya boyiche eng yaxshi 50 ristoran) namliq bahalash orgini, 2019 – yilining eng yaxshi ristoranlirini tallap chiqti. türkiyeningmu istanbuldin 2 ristorani tizimlikte urun aldi.

radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!