13.06.2019

türkiye awazi radiyosi: «‹yéngi shepeq› géziti», «jumhur reis rejep tayyip erdoghan türkiyening rusiyedin <400 – s> bashqurulidighan bomba mudapie sistémisi sétiwélish ishlirini tamamlighanliqini éytti» serlewhilik xewiride, töwendiki melumatlarni oqurmenlirining diqqitige sundi:

türkiye jumhur reisi rejep tayyip erdoghan adalet we tereqqiyat partiyesining guruppa yighinida söz qilghanda, rusiyedin hawa qalqan sistémisi sétiwélish ishliri toghrisida toxtaldi we amérika qoshma ishtatlirining tenqidlirige inkas qayturdi. u sistémini türkiyege tapshurush ishlirining kélerki ay emelge ashidighanliqini bildürüp: «türkiye <400 – s> bashqurulidighan bomba mudapie sistémisini  sétiwalidu démeywatimen,. sétiwaldi. biz bu ishni axirlashturduq. <400 – s> bashqurulidighan bomba mudapie sistémisining bahasi muwapiq. rusiye dairiliri bilen <400 – s> bashqurulidighan bomba mudapie sistémisini birlikte yasash wedisini alghan halda kélishimimizni imzaliduq.»

«‹sabah› géziti», «türkiye amérika qoshma ishtatlirining bimene <400 – s> bashqurulidighan bomba mudapie sistémisigha alaqidar mektubigha qattiq naraziliq bildürdi» serlewhilik xewiride, töwendiki melumatlargha orun ajratti:

türkiye dölet mudapie ministiri hulusi aqar amérika qoshma ishtatliri muawin dölet mudapie ministiri patrik shanaxanning, türkiyening rusiyedin «400 - s» bashqurulidighan bomba sistémisi sétiwélishi heqqide yollighan mektubigha qattiq naraziliq bildürüp mundaq dédi: «shanaxanning mektup uslubining ittipaqdashliq rohigha uyghun emeslikini körduq, bu heqte tégishlik qedemler tashliniwatidu, jawab teyyarlarwatimiz.»

«‹star› géziti», « HAVELSAN gha qatarda siber bixeterlik wezipisi» serlewhilik xewiride, töwendiki uchurlarni oqurmenlirining diqqitige sundi:

qatarning énérgiye, télégraf, mashinisazliq we bixeterlik qatarliq sahelerde paaliyet élip bériwatqan dangliq xelqaraliq shirketliridin jeydah guruhi, siber bixeterlik saheside türkiyening  HAVELSAN guruhi bilen hemkarliq kélishimi imzalidi.

igilinishiche,  jeydah guruhi,   HAVELSAN ning siber bixeterlik sahesidiki tejribe – sawaqliridin paydilinip, hemde  HAVELSAN ning mehsulatliri we téxnikilirini ishqa sélip, siber bixeterlik iqtidarini ashurudiken.

«‹höriyet› géziti», «türkiyening eng munewwer markisi türkiye hawa yolliri shirkiti» serlewhilik xewiride, töwendiki melumatlarni oqurmenlirining diqqitige sundi:

xelqara marka bahalash orgini (Brand Finance) tetqiqat doklatigha asaslanghanda, türkiye hawa yolliri shirkiti 1.7 milyard dollardin artuq marka qimmiti bilen aldinqi yildikige oxshashla bu yilmu türkiyening eng munewwer markisigha aylanghan.

«‹xewer türk› géziti», «israiliyelik modél bar réfaéli türkiyeni intayin yaxshi köridighanliqini éytti» serlewhilik xewiride, töwendiki melumatlargha orun ajratti:

israiliyelik modél bar réfaéli antalyada ötküzülgen «Dosso Dossi Fashion Show» namliq moda kiyim körgezmisige qatnashti. u moda kiyim körgezmisidin kéyin ötküzgen axbarat élan qilish yighinida, türkiyeni intayin yaxshi köridighanliqini tekitlep mundaq dédi: «türkiye öyümge nahayiti yéqin. türk ayallar retlik kiyinish we terteiplik yashashni yaxshi köridu. türkiyeni intayin yaxshi körimen. türkiyede men tonuydighan birdinbir meshhur shexs nusret gökchedur.»