12.06.2019

türkiye awazi radiyosi: «star géziti», rusiye muawin tashqi ishlar ministiri sérgéy ryabkow amérikaning basqan qedemlirige qarshi enqere bilen moskwa otturisida imzalanghan kélishim boyiche barliq mesuliyetlirini waqtida we her qandaq özgirish bolmastin orunlaydighanliqlirini éytqanliqini xewer qildi.

«sabah géziti», gérmaniyening muawin iqtisad we énérgiye ministiri tomas brays (Thomas Bareiss) ning, türkiye bilen gérmaniye otturisida énérgiye, qatnash we sayahetchilik saheside hemkarlishish yoshurun küchining intayin yuqiri ikenlikini éytqanliqini xewer qildi.

«weten géziti», merkizi istanbulgha jaylashqan éksportchilar birleshmisining 2019-yili yanwardin may éyighiche toqumchiliq mehsulatliridin teyyar kiyim-kéchek, aptomobildin méwe-köktatqiche, zibu-zinnet buyumliridin dölet mudapie sanaitigiche bolghan 27 sahede ishlepchiqirilghan 29.8 milyard dollarliq mehsulatni dunyadiki 227 nuqtigha yetküzgenlikini xewer qildi.

«xeber türk géziti», rusye sayahetchilirining dem élish künlirini türkiyede ötküzüshni tallawatqanliqini élan qildi.

xewerde körsitilishiche, bu yil (2019) ning aldinqi besh éyida türkiyege kelgen rusiye sayahetchiliri sani éstoniyening 1 milyon 300 mingliq nopusigha yéqinlashqan. mesul kishiler bu yil 6 milyondin artuq rusiye sayahetchilirini türkiyege kélidu, dep perez qilmaqta iken.

«hörriyet géziti», aydinning kushadasi (qush arili) nahiyesige, töt chong paraxot bilen 4 ming 800 sayahetchi bilen 2 ming 370 paraxot xizmetchisi yétip kelgenlikini xewer qildi.

xewerde bildürülüshiche, paraxottiki köpinchisi amérikaliq sayahetchilerning beziliri aptobos bilen efes we meryem ana chérkawini ziyaret qilghan. saayhet pirogrammisigha qatnashmighan sayahetchilerning köpinchisi nahiye merkizini ziyaret qilghan.