27.05.2019

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

27.05.2019

türkiye awazi radiyosi: «<sabah> géziti», «ministir warank yerlik aptomobilning tepsilatini bayan qildi» serlewhilik xewiride, sanaet we téxnologiye ishliri ministiri mustafa warankning, yerlik aptomobilning 2022 – yilida bazargha sélinishining pilanliniwatqanliqini éytqanliqini yazdi.

gézitining xewiride körsitilishiche, ministir warank, baha jehette dunyada riqabet qilalaydighan we 500 kilométir musapige yétip baralaydighan bir aptomobilni royapqa chiqirish xizmetlirining dawamlishiwatqanliqini bildürgen.

«<xabertürk> géziti», «sayahetchilikte héyt heriketlinishi» serlewhilik xewiride, antalya we mughladiki köpligen sayahet orunliridiki orun toshup kétish nisbitining roza héyt munasiwiti bilen %100 ge yetkenlikini yazdi.

gézitining xewiride körsitilishiche, chet ellik sayahetchilermu köplep kéliwatqan gherbiy aqdéngiz we jenubiy ege rayonida héyt tetili üchün orun ayritish nisbiti asasen tamamlanghan.  déngizi, qumliri, tarixiy mirasliri we tebiiy güzellikliri bilen insanni mestxush qilidighan dunyagha meshhur kök bayraqliq su üzüsh kölcheklirige ige rayondiki köpligen méhmanxanilarning orun toshushush nisbiti %100 ge yetken.

«<hörriyet> géziti», «sümela monastirining échilishi sayahetchilik sahesini söyündürdi» serlewhilik xewiride, trabzonning machka nahiyesi altindere wadisidiki sümela munastirining birinchi hoylisighiche bolghan qismining, medeniyet we sayahet ishliri ministiri yardemchisi nadir alparslanning ishtirak qilishi bilen aldinqi küni murasim ötküzülüp échilghanliqini yazdi.

xewerde, rémont qilish xizmetliri tüpeyli 2015 – yili 22 – séntebirdin tartip 3 yérim yildin artuq waqittin buyan ziyaretchilerge taqiwétilgen sümela munastirining échilishining, sayahetchilik sahesi we rayon kassiplirini söyündürgenliki qeyt qilindi.

«<yéngi shepeq> géziti», «xitayda türkiyege küchlük qiziqish (bar)» serlewhilik xewiride, xitay paytexti béyjingda dunyagha meshhur xelqaraliq yermenkilerning biri bolghan «21 – nöwetlik baghwenchilik we ösümlük yermenkisidiki tonutush xizmetlirining türkiyege téximu köp xitay sayahetchining kélishining yolini achqanliqini yazdi.

gézitining xewiride körsitilishiche, künde 100 ming adem ziyaret qilghan yermenkining cholpan döliti bolsa, eng köp kishi teripidin ziyaret qilinghan ishtirakchi döletlerning biri bolghanliqi üchün, türkiye bolghan.

«<star> géziti», «firat qalqini rayonida fakultét échilidu» serlewhilik xewiride, ghaziantep uniwérsitétining, firat qalqini we zeytun shéxi herbiy heriketliri arqiliq térrorluq teshkilatliridin xaliylashturulghan süriyening shimalidiki bixeter rayonda fakultét achidighanliqini yazdi.

xewerde, ghaziantep uniwérsitéti mudiri piroféssor doktor ali gürning, fakultétning baklawurluq we magistirliq oqu – oqutushini ghaziantep uniwérsitétining üstige alghanliqini qeyt qilghanliqi, rayonning maarip saheside künséri yaxshilinishqa qarap méngiwatqanliqini éytqanliqi toghrisidiki uchurlargha orun bérildi.


خەتكۈچ: türkiye , metbuat , gézit , uyghurche

مۇناسىۋەتلىك خەۋەرلەر