24.04.2019

türkiye awazi radiyosi: «yéngi shepeq géziti», türkiye tashqi ishlar ministiri mewlüt chawushoghlu amérikaning irangha yürgüzülidighan néfit émbargosidin mustesna tutulghan sekkiz dölet heqqide chiqarghan yéngidin mustesna tutmasliq qararigha qarshi ikenliklirini éytqanliqini xewer qildi.

xewerde, tashqi ishlar ministiri mewlüt chawushoghluning yawropa ittipaqining qararigha qarshi ikenliklirini bildürüp: «qarar nurghun döletke tesir körsitidu» dégenliki eskertildi.

«sabah géziti», türkiye armiyesining iraqning shimalidiki hakurk rayonigha qilghan hawa herikitide, bölgünchi térrorluq teshkilati p k k ning istéhkam, panahlinish jayliri we oq-dora iskilatlirini bitchit qilinghanliqini xewer qildi.

«star géziti», türkiye jumhur reisi rejep tayyip erdoghanning tünügün (23-aprél) jumhur reislik sariyida, maarip ministiri ziya selchuk we uning hemrahliqidiki heyetni qobul qilghanliqini xewer qildi.

xewerde, rejep tayyip erdoghan ösmürlerge xitab qilip: «musteqilliq oti her daim xelqimizge nur bolghan. xiyalliringlargha héchnimini tosalghu qiliwalmanglar» dégenliki we 23-aprél balilar bayrimi munasiwiti bilen jumhur reislik ornini 12 yashliq ozan sözeyataroghlugha boshitip bergenliki bildürüldi.

«xeber türk géziti», türkiye shirketlirining yéqinqi yillarda ishlepchiqiriwatqan bixeterlik üskünilirining chet döletlerde ishlitilish dairisining barghanséri kéngiyiwatqanliqini xewer qildi.

éléktral (Elektral) shirkiti teripidin tereqqiy qildurulghan bixeterlik üskünilirining, engliye bilen gérmaniyediki türmilerde we bashqa oxshimighan döletlerning ayrodurumliri, edliye organliri we tarixiy jaylirida bixeterlikning saqlinishida muhim rol oynawatqanliqi bildürüldi.

«weten géziti», türkiye hawa yolliri shirkitining enqere-baku otturisida biwaste ayropilan seperlirining bashlanghanliqini élan qildi.