17.07.2018

yéngi shepeq géziti «munbich aliy rehberler yighini»serlewhilik xewiride munu uchurlarni oqurmenlirining diqqitige sundi: «amérika pirézidénti donald tramp rusiye pirézidénti wiladimir putin bilen körüshüshtin ilgiri  jumhur reis rejep tayyip erdoghan bilen téléfonda körüshti. körüshüshte munbichqa munasiwetlik ortaq yol xeritisini ijra qilish we süriye kirizisni hel qilishqa oxshash mesililer tilgha élindi, ikki rehber türkiye-amérika arisidiki hemkarliq munasiwetlirini kücheytish lazimliqinimu birdek tekitleshti.»

hürriyet géziti «dunya longqisi méwe-chéwe éksportigha purset yaratti»serlewhilik xewiride munu uchurlarni orqurmenliri bilen ortaqlashti: «türkiyening méwe-chéwe éksporti yanwar-iyun mezgilliride bulturqining oxshash mezgilige sélishturghanda miqdar jehettin %16 éship 2 milyon 63ming tonnagha,  qimmet jehettin bolsa %23 éship 1 milyard 175 milyon 565 ming dollargha yetti. uludagh éksportchilar uyushmisining bildürüshiche, bu mezgilde 2018-yilliq dunya longqisigha sahibxanliq qilghan rusiyege eng köp méwe-chéwe éksport qilinghan.»

sabah géziti « yerlik téxnologiyening zepiri: uchquchisiz küreshchi ayropilani 2023-yili perwaz qilidu»serlewhilik xewiride munu uchurlargha orun ajratti: «türkiye yerlik we milliy qoral ishlepchiqirish yolida zor ilgirileshlerni hasil qildi. türkiye armiyesining ambiridin orun alghan uchquchisiz küreshchi ayropilan bilen qoralliq uchquchisiz küreshchi ayropilanlarni ishlepchiqirip kéliwatqan bayraktar shirkitining téxnika ishliri mudiri selchuq bayraktar yene bir xushxewer berdi. bayraktar eneniwi tipliq küreshchi ayropilan dewrining axirlashqanliqini we uchquchisiz küreshchi ayropilan layihesi üstide xizmet ishliwtqanliqlirini eskertip, küreshchi ayropilanlarning 2023-yili perwaz qilidighanliqlirini éytti.»

haber türk géziti «yerlik kapitansiz déngiz kémisi layihelep chiqildi»serlewhilik xewiride munu uchurlarni oqurmenliri bilen ortaqlashti: «izmirde türk karxanichi mehmet salih arikök aptomatik we tizgineklik kapitansiz déngiz kémisi layihelep chiqti. <keship>nami bérilgen bu kéme izdesh-qutquzush xizmetliri, yer tewresh yaki kanlarni tekshürüsh we herbiy ishlar bolup köp sahede ishlitilish üchün layihelep chiqildi, bu kémeni qoralliq kapitansiz déngiz herbiy kémisigimu özgertkili bolidu.»

sitar géziti «türk muzikiliri balqan rayonida yangraydu»serlewhilik xewiride munu uchurlarni oqurmenlirining diqqitige sundi: «xelqara türk medeniyiti teshkilati-türksoyning uyushturushida türk dunyasining her qaysi jayliridin kelgen yash muzikantlar türksoy qurulghanliqining 25-yilliqi munasiwiti bilen türk eneniwi muzikilirini balqan xelqige teqdim qilish üchün ikkinchi qétim seperge atlinidu. »