07.05.2018
bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «<xabertürk> géziti», «türkiye – sérbiye soda munbiri» serlewhilik xewiride töwendiki uchurlarni oqurmenliri bilen ortaqlashti: türkiye – sérbiye soda munbiri yighini jumhur reis rejep tayyip erdoghan we sérbiye pirézidénti aléksandir wujijning ishtirak qilishi bilen istanbulda ötküzüldi. erdoghan, türkiye – sérbiye soda munasiwetliri heqqide toxtilip, «2017 – yili ikki terep soda hejimimiz bir milyard dollardin halqidi, bu sanni qisqa waqit ichide 2 milyard dollargha, arqidin 3 milyard dollargha yetküzüshni nishan qiliwatimiz» dédi.
«<star> géziti», «chawushoghlu: bu yil rusiye bilen wizilar qismen bolsimu bikar qilinidu (dédi)» serlewhilik xewiride töwendiki uchurlarni oqurmenliri bilen ortaqlashti: tashqi ishlar ministiri mewlüt chawushoghlu, rusiye bilen wizilarning bu yil qismen bolsimu bikar qilinish mumkinchiliki barliqini éytti. chawushoghlu, bir xususiy téléwiziye qanilining küntertipke alaqidar soallirigha jawab berdi. rusiyege wizisiz bérip – kélish mesilisi toghrisidimu muhim sözlerni qilghan chawushoghlu, «ruslar wizilarni bu yil pütünley bolmisimu resmiy we xizmet pasportliri üchün bikar qilishni teklip qildi. qismen bolsimu bu yil wizilar bikar qilinidu» dédi.
«<weten> géziti», «chong shirketler qaytip kelmekte» serlewhilik xewiride töwendiki uchurlarni oqurmenliri bilen ortaqlashti: dunyaning eng chong déngiz sayahiti shirketliri yönilishini qaytidin türkiyege boridi. royal karibbéan déngiz sayahiti shirkitining eng ésil paraxotliri arisidiki azamara sayahet, 15 – mayda qushadasigha kélidu.
«<yéngi shepeq> géziti», «giruziyening yéza – igilik saymanliri türkiyedin» serlewhilik xewiride töwendiki uchurlarni oqurmenliri bilen ortaqlashti: giruziye bilen ornitilghan qoyuq diyalog méwe bérishke bashlidi. giruziye yéza – igilik ishliri ministirliqining ziraetlerni dorilash saymanlirini sétiwélish boyiche bir türk shirkiti bilen toxtam tüzdi. jemiy 2 milyon 622 ming lira qimmitidiki toxtam arqiliq türkiye giruziyege köp miqdarda mehsulat éksport qilghan boldi. shirketning samsundin yolgha chiqqan saymanliri giruziyediki alaqidar ministirliqning emeldarlirigha tapshurup bérildi.
«<sabah> géziti», «waqifbank komandisi yawropa chémpiyoni boldi» serlewhilik xewiride töwendiki uchurlarni oqurmenliri bilen ortaqlashti: waqifbank komandisi, yawropa chémpiyonlar birleshmisi ayallar walibol komandisining hel qilghuch musabiqiside rominiye komandisi CSM Volei Alba Blaj ni 0 ge qarshi 3 netije bilen yéngip, 4 – qétim yawropa chémpiyoni boldi. jumhur reis rejep tayyip erdoghan, waqifbank ayallar walibol komandisining yawropa chémpiyoni bolghanliqi munasiwiti bilen waqifbank komandisi bashliqi osman demrenni tebriklidi.
