17.02.2016

sabah géziti «bir top oqigha 367 herbiy mashina bilen jawap qayturdi» serlewhilik xewiride munu uchurlarni oqurmenliri bilen ortaqlashti: «türkiye armiyesi térrorluq teshkilati p k k ning süriyediki chomaqchisi bolghan y p g gha qaqshatquch zerbe berdi. shenbe etigende türkiye zéminigha süriye tereptin top oqi étilishigha qarita chégra bixeterlikini qoghdash we türkiyening bu ishqa tutqan pozitsiyesini bildürüp qoyush üchün, türkiye armiyesi ‹boran-chapqun›mashiniliri bilen 261 qétim qayturma zerbe berdi. ikki künde 90 p y g bazisi topqa tutuldi. türkiyening qetiylikini namayen qilidighan bu qayturma hujum netijiside 4 künde 150 térrorchi öltürüldi.»

haber türk géziti «chégrida 10da 1 pilani we bixeter rayonda lagér berpa qilish » serlewhilik xewiride munularni yazdi: « türkiye térrorluq teshkilati p y d ning qoralliq qaniti bolghan y p g ning rusiye bilen amérikining qollishi astida heriket qilishi, rusiyening bombardimani we sanining 500,600 minggha yétishi mölcherlengen köchmen dolqunigha qarshi tedbirler bolup barliq kirzis we mesililerge merkezleshti. y p g türkiye terepke qarap ilgirilgen teqdirde, türkiye chégrigha kelgen her 10 musapirdin birini qobul qilidu. qalghanlar üchün süriye tereptiki bixeter rayonlarda lagérlar berpa qilishni pilanlimaqta.»

sitar géziti «surda axirqi 100 métir» serlewhilik xewiride munu uchurlarni oqurmenlirining diqqitige sundi: «diyarbakirning sur nahiyeside élip bériliwatqan herbiy heriketlerde tünügün yene 1 térrorchi öltürüldi. nahiyede herbiy heriketler élip bérilghan kündin bashlap hazirghiche öltürülgen térrorchi sani 204ke yetti. shirnakning jizre nahiyesidin kéyin surdiki herbiy heriketlermu axirqi basquchqa keldi, nahiyediki térrorchilarni 100 métirliq yergiche qistap kelgen eskerler, shirnak idilnimu térrorchilardin tazilashqa teyyarlanmaqta. herbiy herikettin burun nahiyede kochigha chiqish cheklendi.»

watan géziti «türkiye qoy qatarliq mallarda yawropada birichni boldi » serlewhilik xewiride munularni neqil qildi: «2015-yili dékabirning axiridin bashlap kala qatarliq haywanlarning sani 14 milyon 128 ming tuyaqqa, qoy qatarliq haywanlarning sani 41 milyon 924 ming tuyaqqa,bularning ichide qoy sani 31 milyon 508 tuyaqqa, öchken sani 10 milyon 416 ming tuyaqqa yetti. türkiye chong haywan sanida 2015-yilida yawropa boyiche firansiyedin qalsa ikkinchi boldi. firansiye 19 milyon tuyaq birinchi qatardin orun aldi. türkiyedin qalsa engliye, ispaniye we girétsiye kélidu.»

hürriyet géziti «antalyagha yawropadin biwaste ayropilan qatnaydu» serlewhilik xewiride munu uchurlargha orun ajratti: «türk hawa yolliri shirkiti bash diriktori temel kotil, uzun yillardin buyan yawropadin antalyagha biwaste ayropilan qatnashni kütüwatqan sayahetchilerge xushxewer berdi. kotil mundaq dédi: biwaste ayropilan seperliri aldi bilen yawropaning shimalidiki döletlerdin bashlinidu. norwégiye bilen filandiyege oxshash döletlerdin köp qétim telep keldi. bu yazghiche ayropilan seperlirini békitip bolimiz. gérmaniyege oxshash nurghun sayahetchi kélidighan döletlerdin antalyagha biwaste ayropilan seperliri orunlashturmaymiz. xizmetlirimiz téz sürette dawamlashmaqta.»