13.07.2014

sitar géziti «türkiye ghezzeni qollidi» serlewhilik xewiride, israiliyening ghezzege hujum qilishigha qarita, heriketke ötken türkiyening pelestinliklerge yardem qolini sunghanliqini yazdi. gézit bash ministirlik tebiiy apet we jiddiy ehwallargha taqabil turush idarisining dunya sehiye teshkilatining pelestin ishxanisigha dora we méditsina buyumliri üchün 1 milyon 500 ming dollar ewetkenlikini bildürdi. gézit türk hemkarliq we teshkillesh agéntliqi tikaningmu ghezzege 1 milyon dollarliq ozuq-tülük we yardem buyumliri ewetidighanliqini uqturdi.
hürriyet géziti «abbas kélidu» serlewhilik xewiride, israiliyening ghezzege keng kölemlik hujum qilishigha qarita pelestin dölet reisi mehmud abbasning mushu hepte jüme küni türkiyege kélidighanliqini oqurmenliri bilen ortaqlashti. gézit abdullah gülning teklipige binaen bir künlük ziyarette bolidighan mehmud abbasning bash ministir rejep tayyip erdoghan we tashqi ishlar ministiri dawutoghlu bilenmu körüshidighanliqini yazdi.
yéngi shepeq géziti «munasiwet buzuldi» serlewhilik xewiride, iraqta mezhepchi siyasetliri bilen sünnilerni chetke qéqip kéliwatqan we iraqni bölünüsh xewpige élip kelgen bash ministir nuri el malikining bu qétim kürtler bilen toqunushqa bashlighanliqini yazdi. 5 kürt ministirning baghdadtiki kabinét yighinlirini bayqut qilishni qarar qilghanliqini qeyt qilghan gézit, iraq rayonluq kürt hakimiyiti bash ministiri mesut baraziningmu «iraqqa malikidin bashqa yéngi bir bash ministir lazim. bolmisa iraq parchilinidu » dégenlikini oqurmenliri bilen ortaqlashti.
sabah géziti «su astida hel qilghuch musabiqisi teyyarliqi» serlewhilik xewiride, bügün kechte pütün dunyaning diqqet étibarining biraziliyediki 2014-yilliq dunya longqisi putbol musabiqisi hel qilghuch musabiqisige buralghanliqni bildürdi. gézit, gérmaniye bilen argéntina musabiqilishidighan hel qilghuch musabiqining teyyarliqining, filinpinning paytexti maniladiki bir su baghchisida ghewwaslar teripidin élip bérilghanliqini yazdi. su astidiki hel qilghuch musabiqining 2ge qarshi 2 netije bilen axirlashqanliqi qeyt qilinghan xewerde, musabiqe waqtini uzartmighan ghewwaslarning «dostluq utsun» dégenliki bildürüldi.
milliyet géziti «cholpanlar ghelbige érishti» serlewhilik xewiride, döletlik walibol komandisining ayallar yawropa birleshme musabiqisi a guruppa musabiqiside silowéniyeni 0ge qarshi 3 netije bilen yenggenlikini yazdi. gézit a gurupisi boyiche 27 nomur bilen eng köp nomurgha érishken walibol cholpanlirining hel qilghuch musabiqide charshenbe küni gérmaniye bilen musabiqige chüshidighanliqini uqturdi.
hürriyet géziti «tenterbiye bilen shughullinidighanlar téximu köp utuq qazinidu» serlewhilik xewiride, amérika qoshma ishtatliridiki michigan uniwérsitéti oqutquchilirining mezkur aliy mektepning deslepki ikki yilida tenterbiye zaligha eza bolghan oqughuchilarning, eza bolmighanlargha qarighanda netijilirining téximu yuqiri ikenlikini otturigha chiqarghanliqini yazdi.