08.07.2014

türkiye metbuatlirida bügün 

türkiye awazi radiyosi xewiri: hörmetlik radiyo anglighuchi eziz qérindashlar! yéngi shepeq géziti, «muhemmedning qatillirining étirapi» serlewhilik xewiride, pelestinlik muhemmed ebu hudeyr isimlik bir yash, quddusning sherqide tutup kétilip öltürülgendin kéyin qolgha élinghan 6 neper gumandardin 3 kishining jinayitini étirap qilghanliqi bildürüldi.
gézitta bildürülishche, israiliyede chiqidighan (Haaretz) gézitining intérnét bétidiki xewerge köre, gumandarlar muhemmed ebu hudeyrini öltürüshkenlikini étirap qilghandin kéyin saqchilar jinayetchilerni nex meydangha élip bérip jinayet ötküzüsh jeryanini tekrarlatquzghan.
weten géziti, «éqiwatqan musulman qénini toxtitishqa tirishimiz» serlewhilik xewiride, eljezire téléwziyesining dölitimiz diniy ishlar idarisi bashliqi piroféssor doktor mehmet görmez bilen élip barghan söhbiti üstide toxtaldi.
xewerde mehmet görmezning «mushu ayning 17 – künide yawro asiyadiki barliq diniy organlar bilen birlikte tuqunush boluwatqan döletlerning ilim ehlini dewet qilduq. biz qanni toxtitishni xalaymiz» dégenliki bildürüldi.
yéngi shepeq géziti, «kümüsh tülke widalashti» serlewhilik xewiride, giroziyening sabiq pirézidénti édward séwardinadzening 86 – yéshida wapat bolghanliqini yazdi. xewerde séwardinadzening uzundin buyan dawaliniwatqanliqi qeyt qilindi.
milliyet géziti, «türk söyer yazghuchi mangu dunya bilen widalashti» selewhilik xewirde atatürk heqqide yazghan terjiméhal kétabliri bilen tonulghan ingiliz tarixshunas, yazghuchi andréw mangoning aldinqi küni 88 yéshida alemdin kötkenlikini bildürdi.
xewerde mangoning 1926 - yili istanbulda tughulghanliqi, 1940 – yillirida engliyening enqerede turushluq bash elchixanisi metbuat bölimide xizmet qilghanliqi qeyt qilindi.
xewerde yene, englyening (BBC) qanilida 14 yilghiche türkche anglitish bölimining bashliqi bolghan mangoning pinsiyege chiqqandin kéyin pat – pat türkiyede ziyarette bolup turghanliqi we özining barliq xizmetlirini türkiyege alaqidar témélargha merkezleshtürgenliki tekitlendi.
sitar géziti, «pakistandin türkiyege poyiz qatnaydighan boldi» serlewhilik xewiride, 2009 – yili bashlinip 2011 – yilida her türlük sewepler tüpeyli toxtap qalghan türkiye - pakitsan yük poyizi qatnishining qaytidin bashlinidighanliqi bildürüldi.
xewerde, pakistan menbelirining xizmet suritini tézlashturush netiijiside kütülginidinmu qisqa muddet ichide poyizlarning qatnaydighanliqini bildürgenliki qeyt qilindi.
axsham gézitining iqtisad sehipiside élan qilinghan «chet el bankilirining qiziqishi dawamlishidu» serlewhilik xewerde, italiyening (UniCredit) bankisining xojayini fédérriko ghizzonining bir téléwziye qanili bilen ötküzgen söhbitide, türkiyege chet el bankilirining qiziqishi dawamlishidighanliqini éytqanliqi bildürüldi.
xewerde, ghizzonining «türkiye biz tereqqiy qilalaydighan 3-4 döletning birsi. bashqa chet el bankilirimu türkiyening ishikini qaqidu, mana bu menidin (Inteza)ningmu shöbe achmaqchi bolghanliqini memnunluq bilen qarshi alimiz» dégenliki qeyt qilindi.
sabah géziti, «türkiyening F-16 liri heyran qaldurdi» serlewhilik xewiride, engliyening waddington shehiride padishahliq hawa armiyesi (RAF)ning maharet körsitish paaliyitige qatnashqan türkiyening F-16 uchquchilirining engliye metbuatlirida eng qizziq küntertip yaratqanliqini yazdi.
xewerde, buningdin ilgirimu eng yaxshi uchush mukapatigha érishken türkiye uchquchilar etritining bir F-16 tipliq ayropilanni normaldin tashqiri töwendin uchurup yerge qondurishini körgen etraptiki tamashibinlarning qattiq heyran qalghanliqi qeyt qilindi.
radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!