2014/07/07

«‹milliyet› géziti» ning «muhemmed üchün alte kishi tutqun qilindi» serlewhilik xewiride, gherbiy qirghaqta üch israiliyelik yashning aridin bir qanche hepte ötkendin kéyin ölük halette tépilishigha qarshi öltürüldi, dep qariliwatqan 16 yashliq pelestinlik muhemmed ebu xudeyr jinayiti dairiside alte israiliyelikning tutqun qilinghanliqini bildürdi. gézit, pelestin bash teptish mehkimisining tutup kétilgendin kéyin tirik turghuzup köydürüwétilgenliki élan qilinghan xudeyr bilen munasiwetlik tekshürüshte diqqitini ashqun ongchil guruppilargha merkezleshtürgen israiliye saqchi dairiliri ichide jinayetning ‹milliyetchilik› sewebidin sadir qilinghanliqi pikrining éghir basqanliqigha isharet qildi.
«‹hörriyet› géziti» ning «israiliye saqchiliri urghan yashqa öyige nezerbend qilish jazasi bérildi» serlewhilik xewiride, newre tughqini muhemmed ebu xudeyrning öltürülüshige naraziliq bildürüp ötküzülgen namayishta israiliye saqchiliri teripidin ötken hepte nazaret astigha élinghandin kéyin qattiq urulghan 15 yashliq pelestinlik tariq ebu xudeyrning 9 kün öyige nezerbend qilish jazasigha höküm qilinghanliqini oqurmenliri bilen ortaqlashti. gézit, sot mehkimisining mezkur balining amanliq saqlash küchlirige tash atqanliqigha dair eyibleshning bu muddet ichide tekshürülidighanliqigha qarar qilghanliqini eskertti. xewerde, tariq ebu xudeyrning qolliri baghlanghan bolushigha qarimay israiliye saqchiliri teripidin urulghanliqi qeyt qilindi.
«‹sabah› géziti» ning «mudapiening xojayinliri enqerede uchrishidu» serlewhilik xewiride, ostim mudapie we awiyatsiye uyushmisi teripidin bu yil ikkinchi qétimliq ötküzülidighan mudapie we awiyatsiye sanaiti hemkarliq künliride dunyaning chong shirketlirining enqerede uchrishidighanliqini eskertti. gézit, ostim mudapie we awiyatsiye uyushmisi idare heyitining bashliqi mithat ertughning ‹14- öktebirdin 16- öktebirgiche ötküzülidighan paaliyetke ayrbas, boying, rolls roys, lochiyd martin, sikorsky dégendek shirketlerning mesulliri qatnishidu› dégenlikini oqurmenliri bilen ortaqlashti. gézit, ertughning paaliyetke amérika we yawropa shirketliridin bashqa asiya we ottura sherq döletliridinmu ishtirak qilidighanlarning bolush éhtimalining barliqini éytqanliqini qeyt qildi.
«‹aksham› géziti» ning «150 chet el sermayisi türkiye ishikide» serlewhilik xewiride, chet ellik meblegh salghuchilargha meslihet bérish bilen shughullinidighan shirketlerning biride bashqurghuchi bolup ishlewatqan ömer kotanning kanada, singapur we junggodin 150 ke yéqin dölet we pinsiyunér sermayisi orginining türkiyege meblegh sélishqa teyyarliniwatqanliqini yazdi. gézit, chet elliklerning türkiyening 10, 20 yil kélechikige qarighanliqini bildürgen kotanning, «kishi béshigha 10 ming dollar kirim, yilda 4-5 %lik éshish meblegh salghuchigha jezbdar kélidu» dégenlikini eskertti.
«‹star› géziti» ning «türkiye, yawropa ittipaqigha yérim milyard dollarliq padichi ishtini satti» serlewhilik xewiride, türkiye teyyar kiyim sahesining bu yilning deslepki 5 éyida yawropa ittipaqigha eza 28 döletke 551 milyon 819 ming dollarliq padichi ishtini éksport qilghanliqini eskertti. gézit, türkiyening yanwar – may ayliri arisida yawropadiki eng köp padichi ishtini satqan dölet gérmaniye bolghanliqini, gérmaniyedin qalsa, ispaniye, engliye, gollandiye we daniye orun alghanliqini oqurmenliri bilen ortaqlashti.
«‹weten› géziti» de élan qilinghan «yermenkilerni 15 milyon adem kezdi» serlewhilik xewerde, soda we pay chéki bazarliri birlikining sanliq melumatlirigha köre, türkiyede 2013- yili jemiy 407 yermenke échilghanliqini yazdi. bu yermenkilerni 15 milyon 500 ming 48 türk we chet ellikning ziyaret qilghanliqigha isharet qilinghan xewerde, yermenkilerde jemiy 60 ming 520 shirketning botka achqanliqi qeyt qilindi.
«‹yéngi shepeq› géziti», «daniyede qurani kerim ‹eng yaxshi sétilghan kitablar tizimlikide›» serlewhilik xewiride, daniyede neshr qilinghan daniyeche qurani kerimning dölettiki bezi kitabxana we tor arqiliq sétish orunlirida eng köp telep qiliniwatqan kitablar qatarigha kirgenlikini eskertti. gézit, türkiye diniy ishlar bashqarmisining daniye türk diniy ishlar weqfi arqiliq teyyarlatquzup 2014- yili aprélda basturulghan qurani kerim terjimisining hem musulmanlar hem gheyri musulmanlar teripidin küchlük telep qiliniwatqanliqini tekitlidi.