03.07.2014

türkiye awazi radiyosi xewiri: hörmetlik radiyo anglighuchi eziz qérindashlar! xeber türk géziti, «tutup kétilgen pelestinlik yash ölük halda tépildi» serlewhilik xewiride, iyurdan deryasining gherbiy qirghiqida tutup kétilgen 3 neper israiliyelik yashning jesiti tépilghandin kéyin, quddustimu bir pelestinlik yashning jesiti tépilghanliqini yazdi.
xewerde namazgha kétiwatqaninida israiliyelik köchmenler teripidin tutup kétilgen 16 yashliq muhemmed ebu hudeyrning jesitining tépilghanliqini anglighan pelestinlik yashlarning israiliye saqchiliri bilen tuqunushqanliqi, israiliye saqchilirining bolsa, 70 tin köprek pelestin puqrasini qolgha alghanliqi we onlighan kishining tuqunushta yaridar bolghanliqi bildürüldi.
yéngi shepeq géziti, iqtisad sehipisidiki «4 ayda 4 milyard dollar chet el meblighi sélindi» serlewhilik xewiride, türkiyening biwaste chet el meblighi jelp qilishni dawamlashturiwatqanliqi bildürüldi.
xewerde, merkez bankisining sanliq melumatlirigha köre, biwaste chet el meblighi nisbiti aldinqi yilning oxshash mezgilige sélishturghanda %49.1 éship, bu yilning deslepki 4 éyida türkiyege texminen 4 milyard dollarliq biwaste chet el meblighi sélinghanliqi eskertildi.
xewerde yene, chet el mebleghlirining sanaet ishlepchiqirish, éléktir, gaz we su ishliri sahesige sélinghanliqi qeyt qilindi.
weten gézitining iqtisad sehipisidiki «aptomobil ékisport sodisi 12 milyard dollargha yetti»serlewhilik xewiride, türkiye aptomobil sahesi ékisport sodisining mushu yilning deslepki yérimida %11.1 tereqqiy qilip, 11 milyard 717 milyon dollargha yetkenlikini yazdi.
xewerde, türkiyening ékisporttiki éshish süritidinmu üstün ilgirileshni qolgha keltürgen aptomubil sahesining 6 ayliq soda omumiy sommisining 2004 yilidin buyanqi ékisport omumiy sommisi bolghan 10 milyard 800 milyon dollardin éship 11 milyard 717 milyon dollargha yetkenliki bildürüldi.
xewerde yene, iyun éyidiki ékisport soda omumiy sommisining %12.8 éship, 2 milyarde 30 milyon dollargha yetkenliki qeyt qilindi.
axsham géziti, «ayal padishah 700 balkoni bilen egede» serlewhilik xewiride, ege déngiz sahilida toxtighan paraxotlar üstide toxtaldi.
xewerde, izmir alsanjaq portigha kélip toxtighan (Costa Deliziosa), (Aida Aura) we (MSC Preziosa) namliq aliy paraxotlar bilen sheherge texminen 10 minggha yéqin sayahetchining kelgenliki bildürüldi.
xewerde yene, dunya boyiche eng aliy derijilik paraxot bolup hésablinidighan "ayal padishah élzabit" namliq paraxotningmu 2 ming yoluchisi bilen birlikte mughlaning marmaris nahiyesige tünji qétim kelgenliki, égizliki 63 métir we uzunliqi 295 métir kélidighan "ayal padishah éliabit" namliq paraxotning 700 balkoni barliqi qeyt qilindi.
sitar géziti, «(Ravago) türkiyede birla rehberlik astigha toplandi» serlewhilik xewiride, türkiyege salghan mebleghliri bilen pilastik sahesining eng muhim aktiyorliridin birige aylanghan bélgiyening eng chong néfit xémiye shirkiti (Ravago)ning türkiyediki barliq tarmaq ishlepchiqirish karxanilirini (Ravago) néfit xémiye héssidarliq shirkiti nami astida bir yerge jem qilghanliqini bildürdi.
xewerde (Ravago)ning 6 milyard 500 milyon dollarliq aylanma meblighi we 200 din artuq shirkiti bilen sétish, tarqitish we konini yéngilash xizmetliri saheside 50 din artuq dölette paaliyet élip bériwatqanliqi qeyt qilindi.
hörriyet géziti, «50 yilning eng katta 50 chong shairi» serlewhilik xewiride, londondiki ataqliq senet merkizi (Southbank Center)ning yéqini 50 yildin buyanqi eng ataqliq ishqi – muhebbet shiirlirini tallap chiqqanliqini yazdi.
xewerde, 30 döletning xelq naxchilirinimu öz ichige alghan tézimlikte nazim hékmet ranning «söygen ikenmen eslide» namliq shiériningmu barliqi qeyt qilindi.
radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!