2014.07.02

aksham géziti «menilik uzun seper» serlewhilik xewiride, adalet we tereqqiyat partiyesining jumhur reis namzatini élan qilghanliqini yazdi. gézit dölitimiz bash ministiri rejep tayyip erdoghanning 311 parlamént ezasining hemmisining birdek awazi bilen jumhur reislikke namzat körsitilgenlikini qeyt qildi. xewerde enqerede daghdughiliq murasimda munberge chiqqan erdoghanning «menilik uzun seperge teyyarliniwatimiz, xelq teripidin saylanghan jumhur reis we bash ministir türkiyeni téximu tereqqiy qilduridu» dégenliki bildürüldi.
sabah gézitining «muqimliqni qollash» serlewhilik xewiride, jumhur reislikke namzat bolghanliqini jakarlighan bash ministir rejep tayyip erdoghanni soda dunyasiningmu qollighanliqini oqurmenliri bilen ortaqlashti. gézit 12 yildin buyan izchil dawamliship kéliwatqan muqimliqning buzulmaydighanliqini éytqan soda dunyasining nopuzluq wekillirining «bu qarardin shundaq xoshal bolduq. türkiyede iqtisadi muqimliq dawamlishidu» dégenliklirini yazdi.
yéngi shepeq géziti bash ministir rejep tayyip erdoghanning jumhur reislik namzatliqigha körsitilishining xelqarada qattiq ghulghula qozghighanliqini qeyt qildi. gézit xelqara xewer agéntliqliri erdoghanning namzatliqini chaqmaq xewer süpitide élan qilghanliqlirini, nurghun chetel téléwiziye qanalliri we tor betliriningmu mezkur xewerni bash bette élan qilghanliqlirini yazdi.
sitar géziti «israiliye ghezzeni kolléktip halda jazalimaqta» serlewhilik xewiride, iordan deryasining gherbiy qirghiqigha jaylashqan el xelil shehride 3 neper yehudiy yashning jesitining tépilghanliqini, israiliyening bularning ölümidin hamas we pelestin hökümitining jawabkar ikenlikini ilgiri sürgenlikini oqurmenliri bilen ortaqlashti. gézit kéchiche ghezzege qilinghan hujumlarda 1 ademning ölgenlikini, 4 ademning yarilanghanliqini bildürdi.
sitar géziti «amérikiliqlar türk loqumini yaqturup qaldi» serlewhilik xewiride, türk kempüt-shéker saheside paaliyet qiliwatqan 365 shirket bilen 4 chong guruhning 29-iyundin 1-iyulghiche amérika qoshma ishtatlirida ötküzülgen yazliq güzel yémek-ichmek yermenkisige qatnashqanliqini qeyt qildi. gézit amérika qoshma ishtatlirining türk kempüt-shéker sahesi üchün nahayiti yaxshi bazar ikenlikini tekitligen kempüt-shékerler guruhi teshkiliy heyet kéngishi ezasi erhan soytürkning kéyinki mezgillerde bu döletlerge qilinghan shakilat we kempüt-shéker ékisportida éshish körülgenlikini yazdi. gézit soytürkning «bu yil 25% éshish kütmektimiz» dégenlikini oqurmenliri bilen ortaqlashti.
aksham géziti «türksat 4a sünniy hemrahi xizmetke teyyar» serlewhilik xewiride, orbita aylinishini muwppeqiyetlik halda tamamlap chiqqan türksat 4a xewerlishish sünniy hemrahining xizmetke teyyar ikenlikini bildürdi. gézit türksatning melumatigha asasen 14-iyulni 15-iyulgha tutashturidighan kéchide sünniy hemrahlardiki téléwiziye we radiyo anglitishlirida chastuta özgertilidighanliqini yazdi.
milliyet géziti tenterbiye sehipiside élan qilghan «hemmimizni hayajanlandurdi » serlewhilik xewiride, türkiye döletlik at minish komandilirining italiyening arézzo shehride ötküzülgen milletler longqisida ikkinchilikke érishkenlikini qeyt qildi.