2014/07/01

«‹yéngi shepeq› géziti», «meshel bilen téléfonda körüshti» serlewhilik xewiride, islamiy qarshiliq körsitish herikiti – hamasning siyasiy ishlargha mesul emeldari xalid meshelning diplomatiye ministiri ehmed dawutoghlugha israiliyening ghezze we gherbiy qirghaqtiki herbiy heriketliri toghrisida melumat bergenlikini yazdi. gézit, meshelning dawutoghludin israiliyening hujumlirining toxtitilishi üchün xelqara jemiyetning baldurraq heriketke ötüshini telep qilghanliqini qeyt qildi. xewerde, meshelning yene ghezzege qaritilghan imbargogha xatime bérilishini telep qilghanliqimu eskertildi.
«‹weten› géziti», «rodoslar mektepning échilishini telep qilmaqta» serlewhilik xewiride, osmanli impératorluqi 400 yil yéqin höküm sürgen rodosta yashaydighan musulmanlarning 42 yil ilgiri rémont qilinish bahanisi bilen taqiwétilgen türk mektipining qaytidin échilishini telep qilghanliqini yazdi.
«‹milliyet› géziti», «muzeffergarhta ‹tayyip erdoghan doxturxanisi› xushalliqi» serlewhilik xewiride, pakistanning jenubigha jaylashqan muzeffergarh shehiride sélinghan rayonning eng zamaniwi sehiye merkizi bolghan ‹tayyip erdoghan hospital› ning késel körüsh we dawalash xizmetlirini bashlighanliqini qeyt qildi. gézit, qurulushini türkiye üstige alghan doxturxanini ékskursiye qilip barliq bölümlerdin melumat igiligen penjap ölkisining bash ministiri muhemmed shehbaz sherifning eng ilghar téxnika we sehiye apparatliri orunlashturulghan 500 kariwatliq tayyip erdoghan hospitalning, türkiye hökümitining we xelqining jenubi penjap ölkisige qilghan hediyesi ikenlikini éytqanliqini oqurmenliri bilen ortaqlashti.
«‹sabah› géziti», «türkiye hemkarliq we kordinatsiye agéntliqi kéniyege yardem berdi» serlewhilik xewiride, türkiye hemkarliq we kordinatsiye agéntliqi bashqarmisi bilen istanbul sheherlik hökümetning kéniyening garissa ölkisige 6 tashlanduq nersilerni piréslap toplash mashinisi we 400 exlet sanduqi yardem qilghanliqini eskertti. gézit, mezkur tashlanduq nersilerni toplash mashinisi we exlet sanduqlirining türkiyening nayrobi elchixanisida ötküzülgen murasim jeryanida alaqidar mesullargha tapshurup bérilgenlikini qeyt qildi. xewerde, garissa waliysi natif jamah adamning, türkiye hemkarliq we kordinatsiye agéntliqi idarisining kéniyede bolupmu sherqiy shimaliy kéniyede köpligen pilan – layihelerni üstige alghanliqini eskertkenliki eskertildi. gézit, türkiyening nayrobida turushluq bash elchisi huseyin awni aksoyning bolsa, türkiye hemkarliq we kordinatsiye agéntliqi idarisining kéniyede insanlarning turmushini özgertkenlikini éytqanliqini bildürdi.
«‹xabertürk› géziti», «türk alimlargha mukapat» serlewhilik xewiride, türk alimlarning urologiye saheside muhim bir qarashni yoqqa chiqarghanliqini eskertti. gézit, dunyada keng omumlashqan ‹börekke üsküne orunlashturush› ning paydisining yoqluqini otturigha qoyghan alimlar, engliye, firansiye, gérmaniye, gollandiye, amérika, yaponiye we koréye qatarliq köpligen ellerning alimlirining ishtirak qilishi bilen her yili yawropa balilar urologiyesi qurultiyida mukapatqa layiq körülgenlikini yazdi.
«‹xabertürk› géziti», «dunyaning aldinqi qatardiki balon uchurush sahesi» serlewhilik yene bir parche xewiride, kapadokyaning yilda 300 kün uchqili bolidighan alahidiliki bilen dunyada issiq hawa balonchiliqining bayraqdarigha aylanghanliqini tekitlidi. gézit, ötken yili rayongha kelgen köp sanliqi chet ellik 430 ming kishi olturghan issiq hawa balonlirining kapadokya bilen menidash halgha kelgenlikini eskertti.
«‹aksham› géziti», «barsélonaning qanatliri béko» serlewhilik xewiride, dunya putbolining ghayet zor markisi barsélonagha türk tamghusining bésilghanliqini eskertti. gézit, xelqaraliq öy éléktir eswabliri ishlepchiqarghuchisi türkiye shirkiti békoning, dangliq putbol komandisining üchinchi eng chong meblegh bilen teminligüchisi bolghanliqini qeyt qildi. xewerde, méssi we néymargha oxshash mahirlar bar bolghan barsélonaning formilirining yingide 4 yil boyiche béko, dep yézilidighanliqini oqurmenliri bilen ortaqlashti.