30.06.2014

yéngi shepeq géziti «namzat bolmaymen» serlewhilik xewiride, dölitimiz bash ministiri rejep tayyip erdoghanning jumhur reis abdullah gül bilen adalet we tereqqiyat partiyesining jumhur reislik namzati toghrisida eng axirqi qétim kéngeshni ötküzgenlikini yazdi. gézit jumhur reis abdullah gülning istanbul tarabya sariyidiki muzakirilerdin ilgiri bayanat bérip, «jumhur reislik üchün qaytidin namzat bolmaymen» dégenlikini oqurmenliri bilen ortaqlashti.
sabah géziti «ximiyiwi qorallarning tazilinishini türkiye nazaret qilidu» serlewhilik xewiride, dölitimiz armiye bash qomandanliq ishtabining süriyedin ximiyiwi urush maddilirining b d t xewpsizlik kéngishi teripidin qurulghan birleshken wezipe qisimlirini türkiyedin t s g salih reis (f-246)tipliq urush paraxotining qoghdap mangidighanliqini uqturdi. gézit amérika qoshma ishtatliri 6-paraxot etriti qomandanliqigha qarashliq birleshken wezipe qisimi-64 taktika qomandanliqidiki heriketke amérika qoshma ishtatliri, gérmaniye, italiyedin birer urush paraxoti, girétsiyedin déngiz asti paraxotining ajritilghanliqini qeyt qildi. gézit, wezipe mudditi boyiche bir séxawik tikuchari, ximiyiwi qorallargha qarshi mudapie qoshuni, déngiz asti paraxot etritining t j g salih reis paraxotida wezipe öteydighanliqini oqurmenliri bilen ortaqlashti.
sitar géziti «3-ayrudurumgha 200 milyon dollarliq yermenke meydani sélinidu» serlewhilik xewiride, istanbulda séliniwatqan 3-ayrudurumning jelp qilarliq merkez bolushni dawamlashturuwatqanliqini bildürdi. gézit méhmanxana zenjirliridin kéyin xelqarada muhim aktiyorlardin bolup qalghan türk shirkiti asel yermenke shirkitining rayongha yermenke merkizi bina qilishqa teyyarlanghanliqini yazdi. gézit, asel xelqara yermenke xizmetliri teshkiliy heyet bashliqi yunus etening, 1 milyon kuwdat métir kélidighan jayda 200 ming kuwdart métirliq yépiq sahe sélinmisi pilanlighanliqlirini éytip, «bu dunya boyiche eng chong yermenke bolidu. 200 milyon dollar chiqim kétishi mölcherlenmekte. sélinmining 2-3 yil dawamlishishi mumkin» dégenlikini bildürdi.
haber türk géziti «bumu dunyadikilerning uchidighan dairisi» serlewhilik xewiride, amérika alem qatnishi we tetqiqat idarisi nasaning insaniyetni marsqa élip chiqishi pilanlanghan uchidighan dair shekillik alem kémisining tunji siniqini tinch okyanda kawj arilida élip barghanliqini yazdi. gézit töwen zichliq awazdin téz üskünisi nami bérilgen uchidighan daire siniqining muwapiqiyetlik halda élip bérilghanliqini qeyt qildi. gézit nasaning bu sinaq türtkiside kelgüside marsqa élip bérilidighan seperlerde alem kémisige téximu köp éghir nersiler qoyulidighanliqini bildürgenlikini bildürdi. bundaq ehwalda éghirliq ölchimining 1 yérim tonna qilip békitilgenlikini qeyt qilghan gézit marsqa insanlarning seper qilishi üchün bu éghirliqning 10 tonna bolidighanliqini uqturdi. xewerde uchidighan dairening 55 kilométir égizlikkiche chiqqanliqi qeyt qilindi.
hürriyet géziti «mukapat bilen qaytip keldi» serlewhilik xewiride, melik sarachoghlu we hakki kurtulush yézip rizhossorluq qilghan «közümizning nuri» namliq filimning, 36-nöwetlik xelqara moskowa filim féstiwalidin mukapat bilen qaytip kelgenlikini yazdi. gézit, közdiki saqsizliq seweblik opératsiye bolghan kino mestanisi bir yashning hékayisini téma qilghan mezkur filimning bahalighuchilar alahide mukapatigha layiq körülgenlikini qeyt qildi. xewerde féstiwalning girand pirikis mukapatini yapon rizhossor kazuyoshi kumakirining esiri bolghan «méning adimim»ning alghanliqi bildürüldi.