2014/06/29

«‹hörriyet› géziti», «yanwar éyida rusiyedin bahani chüshürüshni telep qilimiz» serlewhilik xewiride, énérgiye we tebiiy bayliqlar ministiri taner yildizning dunya néfit qurulitiygha ishtirak qilish barghan moskwada noyabir – féwral mezgilining türkiye üchün achquchluq bir mezgil hésablinidighanliqini tekitlep, rusiye bilen tüzülgen tebiiy gaz kélishimining 2015- yili 1- yanwardin bashlap bahagha özgertish kirgüzüsh salahiyiti béridighanliqini, buningdin paydilinilidighanliqini éytqanliqini yazdi. gézit, mawi éqimdin 3 milyard kub métir artuq gaz telep qilinghanliqini eskertken yildizning «téxnikiliq jehette bezi tedbirlerni almaqta, bir yérim yildin burun bolmaydu. 2016- yilining béshida ilawe qilip 3 milyard kub métir yéngi gaz sétiwélinidu» dégenlikini oqurmenliri bilen ortaqlashti.
«‹star› géziti», «b d t gha türk doklatchi teyinlendi» serlewhilik xewiride, birleshken döletler teshkilati (b d t) kishilik hoquq kéngishining bashkut tunjakni awaz birliki bilen b d t xeterlik maddilarni tazilash mexsus doklatchiliqigha teyinligenlikini yazdi. xewerde, b d t kishilik hoquq kéngishining bashliqi bawdélayér ndong éllaning kéngeshke sunghan teklipige asasen tunjakning kéngeshte awaz birliki bilen qarar qilinip, kishilik hoquq ishliri muhit bashqurush siyasiti we xeterlik maddilar we qalduqlarni tazilash mesililiri boyiche mexsus doklatchisi wezipisige teyinlengenlikini qeyt qildi. gézit, tunjakning, 2003- yilidin 2009- yilighiche ayallargha zorluq qilish mesililiri boyiche mexsus doklat teyyarlash wezipisini ötigen piroféssor yakin ertürk we may éyida ashliq hoquqi mexsus doklatchiliqigha teyinlengen piroféssor hilal ewlerdin kéyin b d t da mexsus doklatchi wezipisige teyinlengen üchinchi türk bolghanliqi» ni oqurmenliri bilen ortaqlashti.
«‹sabah› géziti», «déhqangha 828 milyon lira yardem» serlewhilik xewiride, ashliq, yéza – igilik we charwichiliq ishliri ministirliqining 2104- yilliq yéza – igilik ishlirini qollap – quwwetlesh xizmetliri dairiside déhqanlargha 828 milyon lira béridighanliqini yazdi. gézit, ministirliq teripidin élan qilinghan bayanatqa köre, yardemlerning yaghliq danliq ziraetler, qonaq, talaliq ösümlüklerge bérilidighanliqini qeyt qildi. gézitning xewirige asaslanghanda, bu yardemler bilen déhqanlargha 2014- yili qilinidighan yardemlerning %71 i, yeni 6 milyard 866 milyon lira bérilgen bolidiken.
«‹xabertürk› géziti», «shékerdin 300 hesse tatliq, emma shékersiz» serlewhilik xewiride, tejribe tériqchiliqi chayqur bash idarisi teripidin ishqa ashurulghan shékerge sélishturghanda 300 hesse tem bérish ewzellikige ige, lékin terkibide peqet kalori tépilmaydighan ‹stéwiya› ning tunji mehsulatining rizede élinghanliqi eskertildi. gézit, chayqur shirkiti bash mudiri imdat sütlüoghluning bu heqte bayanat bérip, «tem bérish alahidiliki normalda shékerge sélishturghanda 10 hesse, suyuqlandurulghan shékerge sélishturghanda bolsa, 300 hesse artuq. lékin bu shékerning selbilikliri, shundaqla shéker terkibi bolmighan, peqetla kalori tépilmaydighan salametlikke nahayiti paydiliq bir tem bérish maddisi» dégenlikini oqurmenliri bilen ortaqlashti.