27.06.2014

türkiye awazi radiyosi: «yéngi shepeq géziti», «qan ichide» serlewhilik xewiride, dunyaning közi iraqtiki ichki urushlargha merkezleshken bir waqitta, süriyede 2011 – yili mart éyidin buyan ichki urushning shiddetlik halda dawamlishiwatqanliqini bildürdi.
gézitning xewiride, süriyede beshshar esed küchlirining waril bombilar bilen bombardiman qilghan helebte nurghunlighan puqralarning hayatidin ayrilghanliqi, hayatta qalghanlarning bolsa yéqinlirining jesetlirini quchaqlap peryat kötürgenliki qeyt qilindi.
«milliyet géziti», merkiziy amérikigha jaylashqan «dunya xelqi bilen munasiwet we alaqe ornitish shirkiti» ning, dunya rehberlirining tiwittér qollinish témisi boyiche tetqiqat élip barghanliqini élan qildi.
tetqiqat netijisige asaslanghanda, türkiye tashqi ishlar ministiri ehmet dawutoghlu 1 milyon 511 ming 635 egeshküchisi bilen dunyadiki tashqi ishlar ministirliri arisida birinchi orunda turghan.
«star géziti», türkiye puqralirining yawropa ittipaqigha eza döletlerni wizisiz sayahet qilishigha yol achidighan türkiye bilen yawropa ittipaqi arisidiki «qayta qobul qilish» kélishimining mejliste testiqlanghanliqini élan qildi.
kélishimning üch yildin kéyin ijra qilinidighanliqi eskertilgen xewerde, alte ay ichide wizisiz sayahet qilishning bashlinidighanliqi qeyt qilindi.
«sabah géziti», yaz peslining yétip kélishi bilen, istanbul atatürk ayrodurumida qonghan we uchqan ayropilan sanining tunji qétim 1300 din éship, rékort yaritilghanliqini xewer qildi.
gézitning xewiride, ayrodurumgha qonghan we uchqan ayropilan sani 1300 ge yetken 25 – iyun 142 ming 169 yoluchining tamozhnidin ötkenliki eskertildi.
«yéngi shepeq géziti», iqtisad ministirlikining alahide rayonlar chet elge meblegh sélish ishliri muawin mudiri newzat yeshilerning trabzonda échilghan türkiye – rusiye soda – sanaet munbiride qilghan sözige orun ajratti.
xewerde, yeshilerning «dunyada qurulush höddigerlirimiz 1972 – yildin buyan 284 milyard dollar qimmitide ish qildi» dégenliki bildürüldi.
xewerde yene, yeshilerning türkiye – rusiye arisidiki soda omumiy hejimining 2013 – yili 32 milyard dollargha yetkenlikini éytqanliqi qeyt qilindi.
«axsham géziti», dunya musulmanlirining 11 ayning sultani ramizan éyini kütüwélish aldida ikenlikini xewer qildi.
xewerde, dunya musulmanlirining bügün kechte (27 – iyun) terawih namizini, 28 – iyun seherde bolsa roza tutushni bashlaydighanliqi qeyt qilindi.