eliyéw: erméniye bilen tinchliq kélishimi imzalishimiz mumkin emes
ezerbeyjan pirézidénti ilham eliyéw erméniyening hazirqi asasiy qanuni özgermey turup, bu dölet bilen tinchliq kélishimi imzalashlirining mumkin emeslikini éytti.
türkiye awazi radiyosi xewiri: ilham eliyéw t d t (türk döletliri teshkilati) parlaméntlar mejlisi-türkpa (TÜRKPA) ning 13 – nöwetlik omumiy kéngesh yighini munasiwiti bilen paytext bakuda ziyarette boluwatqan heyetni qobul qildi.
eliyéw bun yerde qilghan sözide, erméniye bilen ezerbeyjan otturisida ötküzülüwatqan tinchliq söhbiti musapisi heqqide toxtilip mundaq dédi:
«erméniyening asasiy qanunida bayan qilinghan musteqilliq xitabnamesi ezerbeyjangha qarshi térritoriyelik teleplerni öz ichige alidu. yene kélip, ermenlerning idiologiyeside, türkiyege qarshi zémin telep qilish dewalirimu bar. ermenler balilirigha türklerni düshmen dep körsitidu. erméniyening hazirqi asasiy qanuni özgermey turup, bu dölet bilen tinchliq kélishimi imzalishimiz mumkin emes.»
مۇناسىۋەتلىك خەۋەرلەر
jelalabad we oshta kelkün yüz berdi
qirghizistanning jelalabad rayonida yüz bergen kelkünde éghir iqtisadiy ziyan körüldi.
