eliyéw: t d t dunyawi chong küch merkizige aylinidu
ezerbeyjan pirézidénti ilham eliyéw t d t (türk döletliri teshkilati) ning dunyawi ölchemde chong küch merkizige aylinidighanliqini bildürüp: «waqti kelgende dunyadiki barliq mesililer t d t bilen meslihetlishish arqiliq hel bolidu» dédi.
türkiye awazi radiyosi xewiri: ezerbeyjan pirézidénti ilham eliyéw türk döletliri parlamént ezaliri mejlisi (TÜRKPA) 13-omumiy kéngishi munasiwiti bilen paytext bakugha yétip kelgen t b m m (türkiye büyük millet mejlisi) ning bashliqi numan qurtulmush, qazaqistan parlaméntining bashliqi yerlan qoshanaw, özbékistan aliy kéngishining bashliqi tanzila narbayéwa, qirghizistan parlaméntining bashliqi nurlanbék shaqiyéw, sh q t j (shimaliy qibris türk jumhuriyiti) parlaméntining bashliqi zorlu töre, wéngiriye parlaméntining muawin bashliqi marta matrayni huzurida qobul qildi.
ezerbeyjan pirézidéntliq mehkimisining bayanatida bildürülishiche, ilham eliyéw t d t ni mustehkemlesh we türk dunyasini kücheytish, ezerbeyjanning tashqi siyasitide aldin ehmiyet béridighan mesililirining ichide ikenlikini bildürgen.
u türk dunyasining jughrapiyesi keng, ghayet zor yoshurun küchke ige chong aile ikenlikini eskertip: «qatnash yolliri, énérgiye menbeliri, ixtisasliqlar bayliqi, éshiwatqan nopusi, ijabiy démografik ehwali qatarliqlar chong yoshurun küchler hésablinidu. buni dunyawi ölchemde chong küchke aylandurush bizning wezipimiz. buning emelge ashidighanliqigha ishinimen, buni körüwatimiz» dédi.
u munularni körsetti:
«türk dunyasining küchiyishi we birlishishi, türk dunyasini we t d t ni dunyawi ölchemde chong küch merkizige aylanduridu. hazirqi mewjut küch merkezliri kirizis ichide. her birining özining kirizis ramkisi bar. bizde bolsa del eksiche yoshurun küchlirimiz künséri chongiyiwatidu. bu birlishish tebiy ehwal, bu birlishishning uli ortaq yiltizlargha tutishidu. shunga, bu birlishish bashqa barliq birlishishlerdin köp küchlük. mundaqche éytqanda, bizning birlishishimiz étnik we medeniyet yiltizlirigha tayinidu, elwette bu birlishishni emeliy heriketlirimiz bilen küchlendürüshimiz kérek.»
u türk dunyasining küchlinishi üchün jemiyettiki her bir qatlamning oxshash meqsette heriket qilishi kéreklikini tekitlep, sözini mundaq axirlashturdi:
«waqti kelgende dunyadiki barliq mesililer t d t bilen meslihetlishish arqiliq hel bolidu. biz özara hemkarliq we dostluqni qollaymiz, birlishishimiz héchkimge qarshi emes, biz tehdit menbesi emesmiz we bolmaymiz, özimizning heq-hoquqini qoghdaymiz we bir-birimizni qollaymiz.»
مۇناسىۋەتلىك خەۋەرلەر
jelalabad we oshta kelkün yüz berdi
qirghizistanning jelalabad rayonida yüz bergen kelkünde éghir iqtisadiy ziyan körüldi.
