özbékistan pirézidénti ete türkiyege kélidu

türkiye awazi radiyosi xewiri: mirziyoyéwning ziyariti arqiliq ikki dölet otturisidiki yuqiri qatlamliq istiratégiyelik munasiwetlerning téximu tereqqiy qilishi kütülmekte.

türkiye bilen özbékistan soda munasiwetliride yéngi dewrni bashtin kechürmekte.

2016-yili 1 milyard 242 milyon dollar bolghan ikki dölet otturisidiki soda omumiy sommisi 2020-yili 2 milyard 100 milyon dollargha, 2023-yili 3 milyard 100 milyon dollargha yetti.

ikki döletning maarip, saghlamliq we medeniyet sahesidiki munasiwetliri dawamliq téz tereqqiy qilmaqta. bu arqa körünüshte, bultur ikki dölet otturisida saghlamliq we maarip munbiri yighinliri ötküzüldi.

ikki dölet otturisida özbékistanning paytexti tashkentte birleshme uniwérsitét qurush paaliyetliri dawamlashmaqta.

türkiyelik soda – sanaetchiler teripidin qayta-qayta otturigha qoyulghan mesililerdin biri bolghan wiza mesilisi toghriliqmu ijabiy qedemler tashlandi.

özbékistan hökümiti 2017-yili türkiye puqralirigha 3 kün ichide wiza bérish qararnamesini imzalidi. 2018-yili 2-ayda, türkiye puqralirigha 30 künlük wizasiz sayahet hoquqi bérish tüzümi yolgha qoyuldi.

buning netijiside, ikki dölet puqralirining özara ziyaretliri köpeydi. 2016-yili 150 ming etrapida bolghan türkiyege kelgen özbéklerning sani 2023-yili texminen 500 minggha yetti.

ikki dölet otturisida 2016-yilghiche her heptide 5 qétim ishqa ashuruluwatqan ayropilan seperlirining sani yéqinqi yillarda körünerlik ashti. hazir özbékistan bilen türkiye otturisida heptide 60 qétim ayropilan seperliri ishqa ashurulmaqta.