gherbiy trakya türkliri ana til yeslilirining échilishini telep qildi

türkiye awazi radiyosi xewiri: gherbiy trakya türk oqutquchilar birleshmisi (BTTÖB) ijtimaiy taratqularda «21-féwral dunya ana til küni» munasiwiti bilen bayanat élan qildi.

bayanatta, gherbiy trakyadiki türklerning maaripta duch kelgen mesililiri otturigha qoyuldi.

türkche we grékche tillirida ders ötülidighan yeslilerning échilishining ehmiyiti alahide tekitlengen bayanatta, ana tilning özara alaqe qilishtin bashqa, medeniyetni dawamlashturush alahidilikiningmu barliqi qeyt qilindi.

bayanatta mundaq déyildi:

«bir kishining ana tildin ayrilip qélishi yaki ayriwétilishi, uning ailisi we xelqidin ayrilip qélshinila emes, belki dunya bilen bolghan alaqisidinmu ayrilip qélishi dégenliktur. tilini yoqitip qoyghan milletlerning, millet süpitide hayat qélishi mumkin emes. ana tilidin ayrilip qalghan shexs, nurghunlighan milliy qedir-qimmetliridinmu ayrilip qalidu. shunga, gherbiy trakyada türkche we grékche tillirida ders ötülidighan yeslilerning échilishini telep qilimiz. türk perzentlirini mekteplerde peqet grékche oqushqila zorlash, dewrimizning rohigha xilap bolghan mejburlap téngish idiyesi hésablinidu.»

yawropa gherbiy trakya türk fédératsiyesimu bayanat élan qilip, «kishining ana tilida maarip terbiyesi élishining eng négizlik kishilik hoquq» ikenlikini tekitlidi.