qazaqistan türkiyede yüz bergen 6-féwral yer tewresh apiti munasiwiti bilen télégramma tarqatti

türkiye awazi radiyosi xewiri: qazaqistan tashqi ishlar ministirliqining resmiy tor bétide élan qilinghan télégrammida, ötken yili türkiyening sherqiy jenubida yüz bergen qattiq yer tewresh sewebidin, türk döletliri teshkilatigha eza döletlerning qazaqistan paytexti astanede chaqirilghan 10-nöwetlik dölet bashliqliri yighinida, 6-féwralning «apette ziyankeshlikke uchrighuchilarni xatirilesh we hemkarliq küni» dep élan qilinghanliqini eskertti.

télégrammida: «e shundaq qiyin peytlerde, qazaqistan türk döletliri teshkilatigha eza bashqa döletler bilen birlikte, türkiyege tunji bolup yardem bergen  döletlerning biri boldi we türk ittipaqliqining küchini namayan qildi» dégen ibarilerge orun bérildi.

qazaqistanning türk döletliri teshkilatining nöwetchi reisi bolush süpiti bilen, türkiyening bu qiyin ötkeldin eng qisqa waqit ötüp kétishini arzu qilidighanliqi qeyt qilindi.

2023-yili 2-ayning 6-küni seher saet 4 tin 17 minut ötkende, qahramanmarashning pazarchik nahiyeside 7.7 bal, elbistan nahiyeside (türkiye waqti) saet 13 tin 24 minut ötkende 7.6 bal yer tewrep, 53 ming 537 adem qaza qilghan, 107 ming 213 adem yarilanghanidi.