türk dunyasi arxéologiye tetqiqat institutliri we merkezliri birleshmisi quruldi

türkiye awazi radiyosi xewiri: türk döletliri teshkilati katibat bashqarmisining qollishi bilen 9-, 10 – noyabir künliri özbékistanning semerqent shehiride türk dunyasi arxéologiye tetqiqat institutliri we merkezliri birleshmisi bashliqlirining tunji nöwetlik xizmet yighini ötküzüldi.

yighingha türk akadémiyesi reisi shahin mustafayéf, ezerbeyjan, qazaqistan, qirghizistan, türkiye, özbékistan, rusiyege qarashliq tataristan jumhuriyiti, özbékistanning qaraqalpaqistan jumhuriyiti we mongghuliyediki arxéologiyelik tetqiqat orunliri we merkezlirining yuqiri derijilik bashqurghuchiliri qatnashti.

türk akadémiyesining reisi shahin mustafayéf yighinning échilishida söz qilip, türk döletliridiki arxéologiyelik tetqiqatlarni maslashturush we mewjut mesililerni birlikte hel qilish üchün, türk dunyasining arxéologiyelik institutliri we merkezlirini birleshtüridighan bir qurulma berpa qilishning muhimliqini tekitlidi.

türk döletliri we xelqlirining arxéologiye sahesidiki hemkarliq mesililirini muzakire qilghan yighin ishtirakchiliri, arxéologiyelik tetqiqat institutliri we merkezlirining bir  tor shekillendürüp, uchurlardin teng behrilinip, birleshme tetqiqat we paaliyetlerni élip baralaydighan supa qurush mesiliside birdeklik hasil qildi.

ishtirakchilar, türk akadémiyesi qarmiqida türk dunyasi arxéologiyelik tetqiqat institutliri we merkezliri birleshmisi qurush toghrisidiki kélishimge imza qoydi.

yighin dairiside yene tataristan jumhuriyiti penler akadémiyesi teyyarlighan 7 tomluq «wolga ural rayoni arxéologiyesi» namliq esermu tonushturuldi.