ezerbeyjan bilen sérbiye özara hemkarliqlirini chongqurlashturmaqta

türkiye awazi radiyosi xewiri: sérbiye pirézidénti aléksandar wujij ezerbeyjan tashqi ishlar ministiri jeyxun bayramow bilen körüshti.

sérbiye pirézidéntliq mehkimisi uchur-alaqe idarisi aléksandar wujij bilen ezerbeyjan tashqi ishlar ministiri jeyxun bayramowning uchrishishida, ikki terepning dostane munasiwetlirining eneniwi halda özara ishinishke we xelqara qanunning asasiy pirinsiplirigha emel qilish qatarliq mesililerni muzakire qilghanliqini bildürdi.

bayanatta, pirézidént wujij ezerbeyjan jumhuriyitining sérbiye jumhuriyitining zémin pütünlüki we igilik hoquqigha hörmet qilidighanliqidin ibaret meydanigha rehmet éytqanliqi qeyt qilindi.

ezerbeyjan tashqi ishlar ministiri jeyxun bayramow pirézidént ilham eliyéwning salimini yetküzüp, sérbiyening musteqil tashqi siyasiti we iqtisadining yuqiri netijilirige hörmet qilidighanliqini bildürdi.

bayanatta, «uchrishish jeryanida ikki dölet otturisidiki iqtisadiy hemkarliqlarmu muzakire qilindi. bélgrad-baku hawa yolliri qatnishining échilishi bu hemkarliqqa paydiliq» déyildi.

wujij bilen bayramowning énérgiye mesilisiningmu muzakire qilinghanliqi bildürülgen bayanatta, wujijning bulghariye bilen tebiiy gaz turuba yolining tutashturulushi netijiside jenubiy tebiiy gaz karidorining bir parchisigha aylanghanliqini we ezerbeyjandin gaz sétiwélishqa munasiwetlik kélishimning énérgiye bixeterlikini kapaletke ige qilishqa paydiliq bolghanliqi qeyt qilindi.

bayanatta, ikki döletning asasliq menpeetliri üchün yéngi pursetler yaritip béridighan sérbiye-ezerbeyjan istratégiyelik shériklik kéngishi yighinining ötküzülidighanliqi bildürüldi.

ezerbeyjan tashqi ishlar ministiri jeyxun bayramow sérbiye paytexti bélgradtiki ziyariti dairiside, sérbiye tashqi ishlar ministiri iwija dajij bilenmu körüshti. körüshüshtin kéyin ötküzülgen axbarat élan qilish yighinida, bayramow ikki dölet munasiwetlirining intayin yaxshi sewiyede ikenlikini bildürüp: «ezerbeyjanning zémin pütünlüki we igilik hoquqini her daim qollighan sérbiyege teshekkür éytimen» dédi.

u sérbiyede paaliyet körsitiwatqan ezerbeyjan shirketlirini téximu köp hemkarliqlar üchün ilhamlandurghanliqni eskertti.

sérbiye tashqi ishlar ministiri dajij sérbiye-ezerbeyjan munasiwetlirining yuqiri sewiyelik munasiwet ikenlikini alahide tekitlep, ezerbeyjan bilen énérgiye we tebiiy gaz saheliride téximu köp hemkarliq ornitishqa ochuq ikenliklirini bildürdi.

ikki ministir axirida, diplomatik xadimlarning aile ezalirini özara ishqa orunlashturushqa munasiwetlik hemkarliq kélishimini imzalidi.