mirziyayéwgha «türk dunyasi aliy ordéni» bérildi
özbéksitan pirézidénti shewket mirziyayéwgha üchün «türk dunyasi aliy ordéni» teqdim qilindi.
türkiye awazi radiyosi xewiri: türk döletliri teshkilatining qazaqistanning paytexti astanede chaqirilghan 10 – nöwetlik bashliqlar yighinida, özbéksitan pirézidénti shewket mirziyayéwgha <türk dunyasining ittipaqliqini kücheytishke qoshqan muhim töhpisi> üchün «türk dunyasi aliy ordéni» teqdim qilindi.
qazaqistan pirézidéntliq mehkimisi bayanat élan qilip, türk döletliri teshkilatining qazaqistanning paytexti astanede chaqirilghan 10 – nöwetlik bashliqlar yighinidin kéyin, mukapatlash murasimi ötküzülgenlikini uqturdi.
murasimda qazaqistan pirézidénti qasim jömert tokayéw özbékistan pirézidénti shewket mirziyayéwgha «türk dunyasining ittipaqliqini kücheytishke qoshqan muhim töhpisi» üchün, «türk dunyasining aliy ordéni» ni teqdim qildi.
pirézidént mirziyayéw minnetdarliq bildürüp: «men bu mukapatni heqiqiy qérindashliq rishtisi asasida qaytidin kücheygen yéqin dostluqimiz we hemkarliqimizning simwoli dep qaraymen» dédi.
murasimgha jumhur reis rejep tayyip erdoghan, ezerbeyjan pirézidénti ilham eliyéw, qirghizistan pirézidénti sadir japarow, türkmenistan xelq menpeeti pirézidénti gurbanguli berdimuhemmedow we wéngiriye bash ministiri wéktor orban qatarliqlarmu qatnashti.
