türk döletliri teshkilati ghezzediki elehli doxturxanisigha qilinghan hujumni qattiq eyiblidi
türk döletliri teshkilati yüzlerche puqraning ölümini keltürüp chiqarghan ghezzediki elehli babtist doxturxanisi hujumini qattiq eyibleidighanliqini bildürdi.
türkiye awazi radiyosi xewiri: türk döletliri teshkilati ghezzediki elehli babtist doxturxanisigha qilinghan hujum toghrisida yazma bayanat élan qilip: «türk döletliri teshkilati yüzlerche puqraning ölümini keltürüp chiqarghan ghezzediki elehli babtist doxturxanisigha qilinghan hujumni qetiy sürette eyibleydu. doxturxanilar we sehiye xadimlirining xelqara kishilik hoquqning qoghdishi astida ikenlikige bolghan qetiy ishenchisini tekitleydu» dégenlerni qeyt qildi.
türk döletliri teshkilati tereplerni derhal urush toxtitishqa chaqirghan bayanatida, terepler diqqitini ikki döletlik hel qilish charisige merkezleshtürüp, rayon xelqining muqimliq we bixeterliki üchün mesilini tinch yol bilen hel qilishqa chaqirildi.
israiliye armiyesi 17 – öktebir ghezzediki elehli babtist doxturxanisini bombardiman qilip, 471 puqraning jénigha zamin bolghanidi.
pelestin islamiy qarshiliq körsitish herikiti – hamasning herbiy qaniti bolghan «qessam birigadisi» 7 – öktebir shenbe küni israiliyege qarshi «eqsa topani» namliq keng kölemlik hujum qozghighanliqini élan qilip, ghezzedin israiliyege qaritip minglarche rakétamiyot atqan we qoralliq guruppilar rayondiki ahaliler rayonlirigha basturup kirgenidi.
israiliye armiyesimu urush ayropilanlirini ishlitip ghezzege qarshi «tömür qilich» herikitini bashlighanliqini élan qilghanidi.
israiliyening hujumlirida töt mingdin artuq pelestinlik hayatidin ayrildi, 12 mingdin artuq pelestinlik yarilandi.
