erméniyege tewe tizgineklik razwédka apirati qolgha chüshürüldi
ezerbeyjan bazilirini razwédka qilish üchün uchqan erméniyege tewe tizgineklik apirat qolgha chüshürüldi.
türkiye awazi radyosi xewiri: erméniye ezerbeyjan chégrasidiki ighwagerchiliklirini dawamlashturmaqta.
ezerbeyjan dölet mudapie ministirliqining bayanatida, erméniye qoralliq qisimlirigha tewe tizgineklik apiratning ezerbeyjan armiyesi bazilirini razwédka qilish jeryanida qolgha chüshürülgenliki bildürüldi.
bayanatta, «pashali nahiyesige qarashliq sultanbey olturaq rayoni yönilishidin qoyup bérilgen erméniye qoralliq qisim qisimlirigha tewe tizgineklik apirat, ezerbeyjan armiyesige tewe nahchiwan aptonom rayoni shahbuz nahiyesige qarashliq olturaq rayon yönilishidiki herbiy istihkamlarni razwédka qilishqa urundi» déyildi.
ministirliqning bayanatida, ezerbeyjan hawa mudapie qisimliri bayqighan töt chasa tizgineklik apiratning alahide téxnikiliq qorallar bilen étip chüshürülüp, bir terep qilinghanliqi uqturuldi.
