bayramow b d t yighinida quran kerimge qiliniwatqan hujumlar toghrisida toxtaldi
ezerbeyjan tashqi ishlar ministiri jeyhun bayramow bezi döletlerde pikir erkinliki tonigha orunuwélip, quran kerimni köydürüsh we uninggha bihörmetlik qilishning «öchmenlik jinayiti» shekillendüridighanliqini otturigha qoydi.
türkiye awazi radiyosi xewiri: bayramow shiwiyétsariyening jenwe shehiride dawam qiliwatqan b d t kishilik hoquq kéngishining 54- nöwetlik yighinida söz qildi.
ezerbeyjanning kishilik hoquq xitabnamisi we bashqa xelqaraliq höjjetlerde körsitilgen kishilik hoquqning asasiy prinsiplirini qoghdawatqanliqini tilgha alghan bayramow, ezerbeyjanning kishilik hoquqning toluq yolgha qoyulushini sijil tinchliq, tereqqiyat we pütkül insaniyetning parawanliqi üchün intayin muhim dep qaraydighanliqini tekitlidi.
u ezerbeyjanning kishilik hoquqqa bolghan sadaqitide muresse qilmaydighanliqini we bu sahede islahat élip bérishni dawamlashturidighanliqini eskertti.
bayramow özlirining körelmeslik, kemsitish, islam düshmenliki we öchmenlik qilimishliridiki köpiyishtin endishe qiliwatqanliqini tilgha élip: «bu pozitsiye jemiyitimizning inaqliqi, bixeterliki we muqimliqigha éghir tehdit élip kelmekte. dunyaning bezi jaylirida pikir erkinliki tonigha orunuwélip, quran kerimni köydürüsh we uninggha bihörmetlik qilishni qobul qilghili bolmaydu we bundaq qilish öchmenlik jinayiti shekillendüridu. bu weqelerning aldining ünümlük shekilde élinishi we bulargha qarshi turush xelqaraning ortaq tirishchanliq körsitini telep qilidu» dégenlerni qeyt qildi.