jewdet yilmaz lefkushada ersin tatar bilen körüshti
dölitimiz (türkiye jumhuriyiti) muawin jumhur reisi jewdet yilmaz türkiye bilen shimaliy qibris türk jumhuriyiti otturisidiki hemkarliqning yéngi netijilerni yaritidighanliqigha ishinidighanliqini éytti.
türkiye awazi radiyosi xewiri: muawin jumhur reis jewdet yilmaz shimaliy qibris türk jumhuriyiti jumhur reisi ersin tatar bilen shimaliy qibris türk jumhuriyiti paytexti lefkushada körüshti.
yilmaz ayrim uchrishishtin ilgiri bayanat élan qilip, türkiye esirining eyni waqitta «shimaliy qibris türk jumhuriyiti esiri» bolidighanliqini, shimaliy qibris türk jumhuriyitining dunyada tesiri téximu küchlük we barliq yollar ochuq bir döletke aylinidighanliqini éytti.
shimaliy qibris türk jumhuriyiti dairiside ünümlük uchrishish we söhbetlerni ötküzgenlikini bildürgen yilmaz,: «biz türkiye jumhuriyiti bilen shimaliy qibris türk jumhuriyiti otturisidiki munasiwetning téximu qoyuqlashqan halda dawamlishidighanliqigha hemde xelqara sehnide bu hemkarliqning yéngi netijilerni yaritidighanliqigha chin qelbimizdin ishinimiz» dédi.
muawin jumhur reis yilmaz qibris türklirige jumhur reis rejep tayyip erdoghanning salimi we söygüsini yetküzüp: «jumhur reisimiz qelbi hemishe bu yerde soqidu. bu yerdiki xelqimizning parawanliqi we shimaliy qibris türk jumhuriyitining küchiyishi bizning eng chong bextimiz we xushalliqimiz» dédi.
مۇناسىۋەتلىك خەۋەرلەر
erdoghan sénégalning sabiq pirézidénti maki sal bilen körüshti
jumhur reis rejep tayyip erdoghan sénégalning sabiq pirézidénti maki sal bilen téléfonda körüshti.