qirghizistanda xelq qurultiyi quruldi
qirghizistanda döletning küntertipidiki mesililer toghrisida teklip bérish hoquqi bar xelq qurultiyining orni toghrisidiki qanun testiqlandi.
türkiye awazi radiyosi xewiri: qirghizistan pirézidénti sadir japarow 29-iyun (2023) parlamént teripidin qobul qilinghan xelq qurultiyi toghrisidiki qanungha imza qoydi.
qanun boyiche, xelq qurultiyigha saylinidighan wekillerning sani, saylinish shertliri, xelq qurultiyi muzakire qilidighan mesililer, mesul organlar bir terep qilidighan mesililer we xelq qurultiyining qanun chiqirish hoquqini yürgüzüsh tertipliri békitildi.
2021-yili qirghizistanning asasiy qanungha tüzitish kirgüzüsh référandumida, «xelq qurultiyi» dep atilidighan organning qurulushi qobul qilinghan idi.
xelq qurultiyi 11-ayning 25-küni tunji qétim dölet ichi we sirtidin jemiy 1072 wekilning qatnishishi astida échilghan idi. bu wekillerning 148 nepiri ayal, 924 nepiri er.
bu tunji qétimliq yighinda, wekiller qurultayning orni toghrisidiki qanunni maqullashni teklip qilghan idi.
pirézidént japarow parlaméntqa xelq qurultiyi toghrisidiki qanun layihesini sunghan idi.
