israiliye bilen  ezerbeyjan otturisida ijabyy uchrishish ötküzüldi

türkiye awazi radiyosi xewiri: ilham eliyéw hérzogni resmiy murasim bilen qarshi aldi. murasimdin kéyin, eliyéw bilen hérzog ayrim we heyetlerara  söhbet ötküzdi.

pirézidént eliyéw heyetlerara uchrishishta, hérzogning ziyaritining ezerbeyjan bilen israiliye otturisidiki munasiwetlerning tereqqiyatini zor ilgirileshlerge ige qilidighanliqini éytti.

ilham eliyéw hérzogning ziyaritidin kéyin ikki dölet munasiwetliride ijabiy heriketlinishke shahit bolidighanliqlirini bildürüp: «gerche biz soda, énérgiye we bixeterlik qatarliq oxshimighan sahelerde nurghun xizmetlerni birlikte qiliwatqan bolsaqmu, yenila chong imkan, sharaitlirimizning barliqigha qetiy ishinimen. qilishqa tégishlik nurghun ishlar bar. ezerbeyjan ziyaritingizni tarixiy ehmiyetke ige bir ziyaret dep qaraymiz» dédi.

pirézidént hérzogmu muzakire qilinghan nurghun mesililerning asasi, ikki dölet otturisidiki hemkarliq ikenlikini tekitlep, «bu (ziyaret) xelqlirimizge qarita köp qatlamliq uchur béridu, dep qaraymen. birinchidin yehudiylar we musulmanlar birlikte tinchliqqa qarap qedem bassa, ochuq söhbetlishishni bashlisa we dunyaning yaxshiliqi üchün birlikte xizmetlerni  qilsa, chong ishlarni wujudqa chiqiralaydighanliqlirining uchuridur. ikkinchidin  munasiwetlirimiz istratégiyelik munasiwettur, chünki biz tinchliq, bayashatliq we tereqqiyat jehettin pütkül rayongha tesir körsitiwatimiz. buning üchün köp rehmet étimen we siznimu israiliyede méhman qilishni sewrsizliq bilen kütimen» dédi.

uchrishish dairiside, ikki döletning sehiye ministirliqliri otturisida «2023-yilidin 2028-yilighiche hemkarliq pilani» imzalandi.