tatar kolin stéwartni qobul qildi

türkiye awazi radiyosi xewiri: jumhur reis ersin tatar paytext lefkoshadiki jumhur reislik mehkimisi binasida birleshken döletler teshkilati (b d t) bash katipining qibris alahide wekili kolin stéwart bilen ötküzgen söhbitidin kéyin bayanat bérip, igilik hoquq barawerlikining ehmiyitini tekitlidi.

qibris türk xelqining igilik hoquqi barawerlikining étirap qilinishi kéreklikini tekitligen tatar, shimaliy qibris türk jumhuriyitining xelqaraliq ornining étirap qilinghanliqi delillenmey turup, resmiy söhbet musapisini bashlighili bolmaydighanliqini yene bir qétim tekitlep: «qibristiki mewjutluqimizning, tinchliq, xatirjemlik we bixeterlikning dawamlishishi üchün, barawer ikki terep yanmuyan shundaqla sijil kélishim hasil qilishi kérek. buning üchün igilik hoquq barawerliki we barawer milliy salahiyet asastur» dédi.

shimaliy qibris türk jumhuriyitining izchil halda diyalogni qollap kelgenlikini tekitligen tatar, özlirining yawropa ittipaqining qibris mesilisige arilishish niyitidin biaram bolghanliqini b d t gha yetküzgenlikini éytti.

b d t ning qibris alahide wekili kolin stéwart bolsa, yighinning ijabiy keypiyat ichide ötkenlikini tilgha élip: «biz bu musapide qibris mesiliside ilgirilesh hasil qilishni ümid qilimiz» dédi.