ezerbeyjan: erméniye bilen saqliniwatqan mesililerning tinch yol bilen hel qilinishini xalaymiz

türkiye awazi radiyosi xewiri: hajiyéw anadolu agéntliqining ziyaritini qobul qilghanda bergen bayanatida, ezerbeyjan bilen erméniye otturisidiki zémin pütünlüki mesilisining üzül - késil hel qilinishining zörürlükini tekitlep mundaq dédi: «kataloniyening musteqilliq telipi mesiliside yawropa ittipaqi ispaniyeni qollidi we bu telepni <qobul qilghili bolmaydighan telep> dep atidi. ispaniyening zémin pütünlükige hörmet qiidighanlar <qarabagh mesilisi> ge kelgende, qarabaghning ermenlerge bérilishi toghruluq chaqiriqta boldi. ispaniyening zémin pütünlükige hörmet qilidighanlarning ezerbeyjanning zémin pütünlükigimu hörmet qilish mejburiyiti bardur. undaq bolmaydiken, buning ismi <qosh ölchemlik pozitsiye tutush> bolidu. buni bashqa shekilde izahlash esla mumkin emes.»

u ezerbeyjanning «qarabagh urushi» netijiside ishghal astidiki zéminlirining mutleq köp qismini qayturuwalghanliqini eskertti, hemde erméniye diyalog ornitishtin özini qachurghan teqdirde, ezerbeyjanning qalghan zéminlirini qayturuwélish üchün herbiy küch ishlitishtin qilche ayanmaydighanliqini qeyt qildi.

hajiyéw ezeldin urush qilish terepdari bolmighanliqlirini tekitlep mundaq dédi: «elwette biz erméniye bilen qayta urush qilishni xalimaymiz. chünki her qétimliq urushta nurghun yashlirimizdin ayrilip qalimiz. biz erméniye bilen saqliniwatqan mesililerning tinch yol bilen hel qilishni xalaymiz. shundaqla erméniyening urush wasitisi arqiliq emes, söhbet ötküzüsh we diyalog ornitish arqiliq qalghan zéminlirimiznimu bizge qayturup bérishini ümid qilimiz.»