jeyxun bayramow bilen sérgéy lawrow lachindiki namayishlarni muzakirileshti
ezerbeyjan tashqi ishlar ministirliqining bayanatida, lawro bilen bayramowning téléfonda körüshkenliki bildürüldi.
türkiye awazi radiyosi xewiri: rusiye tashqi ishlar ministiri sérgéy lawrow bilen ezerbeyjan tashqi ishlar ministiri jeyxun bayramow ezerbeyjanning muhit asrash ammiwi teshkilat ezaliri we paaliyetchilirining lachin karidorida kan échishqa qarshi élip barghan namayishlirini muzakireleshti.
bayramow rusiye qisimliri waqitliq orunlashturulghan ezerbeyjan zéminida, kanlarning qanunsiz échilishigha qarshi namayish qilishning, ezerbeyjan puqralirining qanunluq heq-hoquqi ikenlikini tekitlep, namayishchilarning heqqaniy teleplirining choqum orundilishi kéreklikini bildürdi.
bayramow: «lachin karidori ezerbeyjan teripidin taqap qoyuldi, ezerbeyjanda yashaydighan ermenler qorshawda qaldi we insanperwerlik kirizisi peyda qildi» dégen söz- chöcheklerning pütünley asassiz ikenlikini eskertip: «lachin yolidin her küni rusiye qisimlirining, xelqara qizil kirést jemiyitige tewe onlighan aptomobilllar hemde erméniyege tewe qutquzush aptomobillirining ötüwatqanliqi, erméniyening tarqitiwatqan yalghanlirini yoqqa chiqardi» dédi.
bayramow özlirini ezerbeyjanda yashaydighan ermenlerning «wekili» dep tonushturuwatqan kishilerning, xelqning yoldin paydilinishigha tosqunluq qilip, «süniy qorshaw» we «insanperwerlik kirizisi» tesri peyda qilishini qetiy qobul qiliishqa bolmaydighanliqini bildürdi.
