shimaliy qibris türk jumhuriyitide mehelliy saylam ötküzüldi

türkiye awazi radiyosi xewiri: shimaliy qibris türk jumhuriyitide tünügün ötküzülgen mehelliy saylamlarning resmiy bolmighan netijilirige asaslanghanda, jumhuriyetchi türk partiyesi yette, milliy ittipaqliq partiyesi alte, musteqil namzatlar üch, démokrat partiye bir, xelqchil démokratiye partiyesi bir sheherde ghelibe qilghan.

hakimiyet béshidiki milliy ittipaqliq partiyesi, démokrat partiye we yéngidin tughush partiyesi birleshken halda saylamgha qatnashqan bolup, milliy ittipaqliq partiyesi alte sheherde, démokrat partiye bir sheherde we ularni qollighan bir musteqil namzat bir sheherde ghelibe qilghan.

asasliq öktichi partiye bolghan jumhuriyetchi türk partiyesi yette sheherde ghelbe qilghan bolup, paytext lefkoshada ikki nöwet sheher bashliqliqigha saylanghan xelqchil démokrat partiyesidin mehmet harmanji qayta saylandi.

shimaliy qibris türk jumhuriyiti saylam kéngishi tizimgha élinghan 208 ming 236 saylighuchining 18 sheher bashliqi, 220 sheherlik parlamnét ezasi, 240 mehelle komitéti bashliqi we 960 aqsaqallar heyitini saylash üchün 768 saylam sanduqigha awaz tashlighanliqini, saylamgha qatnishish nisbitining resmiy bolmighan netijilirige asaslanghanda %68.85 bolghanliqini bildürdi.

bu netije boyiche bolghanda, shimaliy qibris türk jumhuriytide döletning eng yuqiri memuriy rayoni hésablinidighan alte nahiyedin üchide jumhuriyetchi türk partiyesi, ikkiside milliy ittipaqliq partiyesi, biride xelqchil démokrat partiye ghelibe qilghan.