türkiye we ezerbeyjan qoralliq qisimliri birleshme herbiy manéwir bashlidi

türkiye awazi radiyosi xewiri: ezerbeyjan dölet mudapie ministirliqining bayanatida, ikki dölet otturisidiki herbiy hemkarliq kélishimi ramkisida türkiye we ezerbeyjan armiyesining baku, astara, jebrail we imishli qatarliq wilayetlerde manéwir bashlighanliqi bildürüldi.

manéwirda quruqluq we hawa armiyesi, alahide qisim, istéhkam etretliri, bashqurulidighan bomba we zembirek etretliri türlük wezipilerni orundimaqta.

zamaniwi urush usulliri ijra qilinghan bu qétimqi manéwirda, herqaysi qisimlarning maslishishchan paaliyetlirini teshkillesh, deryadin ötüsh üchün ponton köwrüki ornitish we modél düshmen rayonigha qonush qatarliq wezipiler orundalmaqta.

birleshme manéwirda, qisimlarning urush jeryanidiki maslishishchanliqigha kapaletlik qilish, bashqurushni yaxshilash, tejribe almashturush we xadimlarning kespiy iqtidarini ashurush meqset qilinidu.