yawropa ittipaqi ezerbeyjan-erméniye chégrasigha nazaret guruppisi orunlashturidu
yawropa ittipaqi ezerbeyjan-erméniye chégrasigha tereplerning chégrasini belgileshke yardemchi bolushi üchün puqralardin teshkil tapqan nazaret guruppisini wezipige teyinleydighan boldi.
türkiye awazi radiyosi xewiri: yawropa ittipaqi tashqi munasiwet we bixeterlik siyasiti aliy wekili josép borrél liyuksémburgda ötküzülgen tashqi ishlar ministirliri uchrishishidin kéyin axbaratqa bayanat berdi.
josép borrél ministirlarning ezerbeyjan-erminiye chégrasigha puqralar ömiki ewetish üchün yéshil chiragh yéqip bergenlikini eskertip, jenubiy kawkazning yawropa ittipaqi üchün intayin muhimliqini we rayongha tunji qétim bundaq wezipe bilen guruppa yollaydighanliqini bildürdi.
borrél kelgüsi bir nechche hepte ichide ezerbeyjan bilen bolghan xelqara chégraning erméniye teripige 40 kishining orunlashturulidighanliqini bayan qildi.
borrél buning tereplerning telipige binaen maqullanghan qarar ikenlikini bildürüp, guruppining hazir erminiyede ikenlikini, shunga qisqa waqit ichide orunlashturghili bolidighanliqini éytti.
yawropa kéngishining reisi charliz mishélmu tiwittérda hembehirligen uchurida: «erméniyening ezerbeyjan bilen bolghan xelqara chégrasi boyiche közitish guruppisini tézlikte orunlashturushini memnunluq bilen qarshi alimen» dédi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
