ezerbeyjan erméniye eskerlirining jesetlirini tapshurup berdi

türkiye awazi radiyosi xewiri: ezerbeyjan döletlik tutqun qilinghan, yoqap ketken we görüge élinghan puqralar komissiyesi bayanat élan qilip, erméniyening 12 – 14 - séntebir künliri yüz bergen toqunushta éghir talapetke uchrighanliqini, ezerbeyjan herbiy teptish mehkimisi xizmetchilirining herbiy heriketlerdin kéyin ezerbeyjan armiyesining kontrolluqigha ötken jaylardin tépilghan 32 ermen eskirining jesitini tekshürüp chiqip, jesetlerde héchqandaq zorawanliq qilish alametlirining bayqalmighanliqini jezmleshtürgenlikini uqturdi.

bayanatta, jesetlerning 32 isining erméniyege tapshurup bérilgenliki, qalghanlirining pat yéqinda ötküzüp bérilidighanliqi bildürüldi.

ezerbeyjan dölet mudapie ministirliqi, 12 - séntebir kechte ezerbeyjanning dashkesen, kelbejer, lachin we zanggilan terepliride erméniye qisimlirining keng kölemlik ighwagerchilik herikiti qozghishi netijiside toqunushlarning bashlinip ketkenlikini uqturghanidi.

alaqidar tereplerning diplomatik tirishchanliqliri netijiside, ezerbeyjan bilen erméniyening 2 - qarabagh urushidin kéyinki eng chong toqunushni toxtitish toghrisida kélishkenliki bildürülgenidi.

toqunushtin kéyin, ezerbeyjan 79 eskirining shéhit bolghanliqini élan qilghan, erméniye 135 eskirining ölgenlikini uqturghanidi.