ermenler lachin shehirini ot qoyuwetken halda terk etmekte

türkiye awazi radiyosi xewiri: mushu ayning axirliri ezerbeyjanning kontrolluqigha ötidighan lachingha qanunsiz halda olturaqlashqan ermenler, ötküzüp bérish mudditi toshushtin burun sheherge ziyan yetküzüshni dawamlashturmaqta.

rayondiki ermenler binalar, ormanliqlargha ot qoyuwetken halda lachin shehirini terk etmekte.

ermen köchmenlerning öy – makanlargha ot qoyuwetkenliki we etrapqa ziyan salghanliqigha dair nurghun körünüshler, ammiwi taratqularda nahayiti téz tarqilip, qattiq naraziliq qozghidi.

ezerbeyjan, erméniye we rusiye otturisida 2020 – yili 10 – noyabir küni imzalanghan «üch tereplik bayanname» ge asasen, qarabaghda lachin we etrapidiki bezi yézilarda yashawatqan ermenler, awghust éyining axirliri qanunsiz olturaqlashqan rayondin ayrilidu we sheher ezerbeyjanning kontrolluqigha ötidu.

2020 – yili ishghaldin azad qilinghan lachin we etrapidiki yézilarda ottura sherq rayonidin barghan nurghun köchmenlermu qanunsiz halda yashimaqta.

köchmenler we rayondiki rusiye qisimlirimu mushu ayning axirlirighiche sheherdin ayrilidu.

yene bir tereptin,  lachin etrapidiki yol qurulushining muhim bir qismining tamamlinishi bilen ezerbeyjanning sheherni kontirol  qilishi üchün tetür sanaq bashlandi.