ezerbeyjan armiyesi qanunsiz ermen küchlirige zerbe berdi

türkiye awazi radiyosi xewiri: ezerbeyjan dölet mudapie ministirliqi qarabaghdiki qanunsiz ermen qoralliq küchlirining bir qanche nuqtisining bitchit qilinghanliqi toghrisida bayanat élan qildi.

bayanatta, rusiye küchliri waqitliq kontrol qilip turuwatqan rayonlardiki qanunsiz ermen qoralliq küchlirining bügün etigen (4-awghust) qilghan térrorluq hujumida, bir ezerbeyjan eskirining shéhit bolghanliqi bildürüldi.

bayanatta, ermen qoralliq küchlirining kelbejer we lachin wilayetlirini orap turidighan tagh tizmisining qiriq qiz égizlikini qolgha kirgüzüshke we u yerde yéngi nuqtilarni qurushqa urunuwatqanliqi qeyt qilindi.

bayanatta, ezerbeyjan armiyesining bu ehwalgha qarshi «qisas» nami bérilgen herbiy heriketni bashlap, kichik kawkaz tagh tizmilirining qarabaghgha jaylashqan saribaba we bashqa bir qatar égizliklerni kontrol astigha alghanliqi bildürüldi.

herbiy heriket dairiside, qanunsiz ermen qoralliq küchlirining bir qanche nuqtisining bitchit qilinghanliqi, kona aghdere wilayiti oratagh ahaliler rayonidiki herbiy nuqtilargha hawadin hujum qilinghanliqi eskertildi.

herbiy herikette, qanunsiz ermen qoralliq küchliri arisida ölüm we yarilinish hadisilirining yüz bergenliki, bir qanche dane «D-30» tipliq yiraq musapiliq zembirek, herbiy aptomobillar we nurghun qoral-yaraghlarning bitchit qilinghanliqi qeyt qilindi.

rusiye armiyesi waqitliq kontrol qilip turuwatqan rayonlardin erméniye eskerlirining chiqirilishi we qanunsiz ermen qoraliq küchlirining yoqitilishi kérekliki tekitlengen bayanatta, qetiylik bilen, ezerbeyjan zéminlirida her türlük térrorluq heriketler we ighwagerchiliklerning aldining élinidighanliqi, aldini élish tedbirlirining qattiq bolidighanliqi tekitlendi.

ezerbeyjan dölet mudapie miinstirliqi yene, erméniye küchlirining herbiy nuqtilirigha qilinghan hawa hujumining sin körünüshlirini hembehirlidi.