mewlut chawushoghlu bosniye-gértségowinada muhim uchrishishlarda boldi

türkiye awazi radiyosi xewiri: türkiye tashqi ishlar ministiri chawushoghlu bosniye-gértségowina pirézidéntliq kéngishining kirodiyelik ezasi zéljko komsich we kéngesh reisi sefiq dzaférowich bilen körüshti, andin démokratik heriket partiyesining reisi bakir izzet bégowich bilen körüshti.

chawushoghlu bu uchrishishliri heqqide ijtimaiy alaqe adrésida hembehirligen uchurida: «bosniye-gértségowina pirézidéntliq kéngishining ezasi komsich bilen ikki dölet munasiwetlirimizni hemde bosniye-gértségowina we rayondiki bashqa özgirishlerni muzakire qilduq. bosniye-gértségowina pirézidéntliq kéngishining reisi dzaférowich bilen uchrishish élip barduq. bosniye-gértségowinaning zémin pütünlükini we muqimliqini qollap- quwwetleshni dawamlashturimiz. bosniye-gértségowina xelq parlaménti reislik diwanining boshnaq ezasi shundaqla «SDA» partiyesining rehbiri qérindishim bakir izzet bégowich bilenmu körüshtuq» dédi.

chawushoghlu resmiy uchrishishlardin kéyin, sarayéwodiki chaqliq orunduq waskétbol komandisini ékiskursiye qildi. u komandigha utuqluq tilep, bosniye-gértségowina chaqliq orunduq waskétbol komandisining topchiliri bilen bir yerge jem boldi.

bosniye-gértségowina pirézidéntliq kéngishi ezasi zéljko komsich we kéngesh reisi sefiq dzaférowich, chawushoghlu bilen ötküzgen uchrishishliridin kéyin metbuatlargha bergen bayanatlirida, chawushoghluning bosniye we gértségowina ziyaritidin xushal bolghanliqlirini bildürdi.

komisch bayanatida, türkiyening bosniye-gértségowinaning zémin pütünlüki we igilik hoquqini qollap-quwwetlewatqanliqini tekitlidi.

dzaférowich: «türkiye rayonni muqimlashturghuchi roligha ige  we bizning zémin pütünlükimizni, igilik hoquqimiz we islahatimizni qollap-quwwetlimekte. biz türkiyening bosniye-gértségowinagha qiliwatqan yardemliri üchün rehmet éytimiz» dédi.