qazaqistanda xelq hazirqi asasiy qanungha tüzitish kirgüzüshke qoshuldi
qazaqistanda hazirqi asasiy qanunning üchtin birige tüzitish kirgüzüsh üchün élip bérilghan deslepki bélet tashlash netijiside, xelqning tüzitish kirgüzüshke qoshulghanliqi körüldi.
türkiye awazi radiyosi xewiri: qazaqistan merkizi saylam komitéti tünügün (2022-yili 5-iyun) pütkül memlikette ötküzülgen asasiy qanungha özgertish kirgüzüsh référandumining deslepki netijisini élan qildi.
buninggha asaslanghanda, 19 milyon nopusi bolghan qazaqistanda tizimgha aldurghan 11 milyon 734 ming 642 saylighuchining texminen 8 milyoni (%68) bélet tashlashqa qatnashqan bolup, <qazaqistan jumhuriyiti asasiy qanunigha tüzitish kirgüzüsh we qoshumche qilinishini qobul qilamsiz?> dégen soalgha jawab bérish üchün bélet tashlighan.
bélet tashlighan saylighuchilarning %77.18 i «hee», %18.66 i «yaq» dep jawab qayturghan.
référandumda qollighuchilar köp sanliqni teshkil qilghan teqdirde, hazirqi 1995-yili qobul qilinghan asasiy qanunning 33 asasiy maddisigha özgertish kirgüzüzsh we bu yil 1-ayning béshida yüzbergen keng kölemlik weqelerdin kéyin, döletning memuriy tüzümini qayta tüzüshning nishan qilinghanliqi bildürülgen idi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
